VOV4.Bahnar - Anih jang kơ dră tơm teh đak Mi ‘nao tơ roi tơ băt Phŏ Kơ dră tơm teh đak Mi Kamala Harris vă năm tơ mang tơ̆ Việt Nam păng Singapore lơ̆m khei 8/2021. ‘Măng năm tơ mang vă pơ ma dơ nuh hăm rim kơ dră chĕp kơ̆l 2 teh đak găh lơ tơ drong vang bơ ngơ̆t truh, lơ̆m noh đei vei sơ đơ̆ng tơ ring, tơ jră jơ̆p plei teh tơ̆ hơ năp jĭ hơ buh COVID-19, tơ plih tŏ ‘mi kial păng dôm tơ drong hơ drin atŭm vă pơ trŭt tơ drong sơ đơ̆ng apŭng plĕnh teh kiơ̆ lơ̆m khôi luơ̆t. ‘Măng năm tơ mang gô tơ gop hơ tŏk loi dơ̆ng tơ drong pơ vei păng pơ̆ih să jang hơ dai mŭk drăm hăm 2 teh đak jang hơ dai tơm kơ Mi tơ̆ tơ ring Ấn Độ Dương-Thái Bình Dương.

Phŏ kơ dră tơm Mi Kamala Harris

‘Măng năm tơ mang tơ̆ Việt Nam đơ̆ng kơ dră tơm Lloyd Austin hlôi hơ nơ̆ng tơ gop pơm hơ tŏk loi dơ̆ng tơ drong pơ vei jang tơ bôl, lui ngeh đơ̆ng kon pơ lei păng khŭl linh 2 teh đak, tơ lĕch jang rim tơ drong tơm jang hơ dai lơ̆m tơ drong jang khŭl linh hlôi kĭ đơ̆ng 2 Anih tơm vei lăng khŭl linh păng drơ̆ng nơ̆r đơ̆ng kơ dră chĕp kơ̆l 2 teh đak, tơ gop lơ̆m tơ drong jang hơ dai tôm tong Việt Nam - Mi.

Thuem: Tơ blơ̆