VOV4.Bahnar - Pơ gê 11/7, khul jang đơ̆ng Anih tơm vei lăng jang pơ gang yoa Phŏ kơ dră tơm Đỗ Xuân Tuyên chĕp kơ̆l đei jơ bơ̆ jang hăm Anih pơ gơ̆r jang tang găn jĭ COVID -19 dêh char Dak Lak găh tơ drong tang găn jĭ COVID-19 tơ̆ tơ ring. Jô̆ truh ‘năr 11/7, dêh char Dak Lak đei 7 ‘nu bơ ngai jĭ COVID -19, lơ̆m nŏh đei 4 klăih jĭ bơih.

Jơ bơ̆ jang đơ̆ng Phŏ kơ dră tơm Đỗ Xuân Tuyên hăm dêh char Dak Lak

Dôm bơ ngai jĭ tơ̆ Dak Lak ƀơm truh dôm anih đei jĭ tơ̆ Đà Nẵng, Bắc Ninh păng plt Hồ Chí Minh. Đắk Lắk oei ăn oei hơ drô̆ tơ̆ anih oei hơ dai hăm 139 ‘nu bơ ngai, oei hơ drô̆ tơ̆ hnam vă jê̆ 9 rơ bâu ‘nu. Găh tơ drong chă hơ len jĭ, dang ei Dak Lak pơ jing 280 khul jang tang găn jĭ tơ pŏh tơ̆ jơ̆p tơ ring.

Pơ ma lơ̆m jơ bơ̆ jang, Phŏ Kơ dră tơm vei lăng jang pơ gang Đỗ Xuân Tuyên tơ chĕng ‘lơ̆ng đon kơ chăng tang găn jĭ đơ̆ng Dak Lak khei ‘năr âu ki; tơ tă ăn tơ ring akŏm jơ hngâm, mă loi jĭ khul jang, tơ mam drăm vă gơ̆h tơ jră hăm rim tơ drong đơ̆ng jĭ tơ dăh đei tơ̆ hơ năp kơnh.

Dơ̆ng: Tơ blơ̆