VOV4.Bahnar  – Pơgê năr 12/5, Phŏ Kơdră Kuôk hô̆i Nguyễn Đức Hải atŭm hăm bơngai lĕch măt tơgar jang tang măt ăn Kuôk hô̆i jăl 15 đei akŏm pơma dơnuh hăm kon pơlei, hơvơn pôk rơih kiơ̆ pơkăp trư̆k tuyê̆n tơ̆ anih pôk rơih kơsô̆ 3, dêh char Quảng Nam.

Tang măt ăn dôm bơngai lĕch măt tơgar jang tang măt ăn Kuôk hô̆i jăl 15, Phŏ Kơdră Kuôk hô̆i Nguyễn Đức Hải chih iŏk dôm tơdrong hơpơi 'moih đơ̆ng kon pơlei pơtruh hăm rim bơngai lĕch măt tơgar, xơkơ̆t mưh đei jơnei jang tang măt ăn Kuôk hô̆i jăl 15, gô adrin tơguăt kơjăp, hơlen băt tơdrong hơpơi 'moih đơ̆ng kon pơlei; chih akŏm păng tơroi tơpăt, tơtom nơ̆r tơgop đơ̆ng kon pơlei hăm Kuôk hô̆i. Phŏ Kơdră Kuôk hô̆i Nguyễn Đức Hải akhan, tơdrong lui ngeh đơ̆ng kon pơlei jing jơhngơ̆m pran ăn bơngai lĕch măt tơgar hơtŏk tơdrong pơma xa păng pơm jang, keh đang xơnong jang đei pơjao; Pơkăp pơtoi jang hơdăh dôm tơdrong pơm jang kơ po kiơ̆ rim xơnăm, lơ̆m pơđĭ jăl jang.

Lan chih păng pơre nơ̆r