VOV4.Bahnar – Kơsơ̆ năr 12/5, Khul jang hơlen tơdrong jang pôk rơih kơ Anih juăt jang Kuôk hô̆i, Jơnŭm pơgơ̆r pôk rơih kơ teh đak yuơ Phŏ Kơdră teh đak bơ̆n Võ Thị Ánh Xuân chĕp kơ̆l khul hlôi truh hơlen tơdrong jang hơmet pôk rơih tơ̆ minh ƀar tơring tơ̆ plei tơm Gia Nghĩa, dêh char Đăk Nông.

          Dang ei plei tơm Gia Nghĩa hlôi pơjing 59 anih tăh kơphĭu, hăm 8.560 bơngai tăh hla gô vang năm pôk rơih. Tơring hlôi đei trong jang hơdăh vă vei xơđơ̆ng tơpôl, tang găn păng tơjră pơrang jĭ adrol, lơ̆m păng đơ̆ng rŏng kơ pôk rơih. Kiơ̆ chă hơlen, Phŏ Kơdră teh đak Võ Thị Ánh Xuân bơnê kơ dôm tơdrong adrin đơ̆ng plei tơm Gia Nghĩa lơ̆m tơdrong tơlĕch tơtom, trŏ khei năr pơkăp dôm tơdrong hơmet pôk rơih. Atŭm hăm noh 'meh vă dôm tơring athei jang tơnăp tơdrong tang găn păng tơjră pơrang jĭ Covid-19 vei xơđơ̆ng ăn bơngai tăh hla păng kon pơlei, vă 'năr pôk rơih tơpă jing 'năr akŏm pơchơt kơ tôm kon pơlei.

Lan chih păng pơre nơ̆r