VOV4.Bahnar  – Xơng iŏk nơ̆r hơvơn đơ̆ng Kơdră Jơnŭm jang Kuôk hô̆i Liên bang Nga Valentina Matviyenko, Phŏ Kơdră teh đak bơ̆n Võ Thị Ánh Xuân chĕp kơ̆l Khul Kơpal tang măt ăn Việt Nam năm hop akŏm Drăkăn Á – Âu ‘măng mă 3 kiơ̆ pơkăp trư̆k tuyê̆n đơ̆ng năr 13 - 15/10. Hop akŏm Drăkăn Á – Âu xơnăm âu hăm hơnăn “Drăkăn: Xơnong jang lơ̆m kơpal teh lơ̆m tơdrong erih chăl ‘nao dang ei” hơvơn tơdrong vang jang đơ̆ng lơ bơngai tang măt đơ̆ng hloh 100 teh đak păng 20 anih jang apŭng plenh teh. Pơma lơ̆m hop akŏm, Phŏ Kơdră teh đak Võ Thị Ánh Xuân bơnê kơ Hop akŏm Đe Drăkăn Á – Âu hlôi tơgŭm tơguăt, tơroi păng hơtŏk xơnong jang kơ đe drăkăn; hmach bơnê kơ hơnăn pơkăp Hop akŏm pơm trong hiôk vă pơma đam găh dôm trong hiôk păng tơnap tap ăn tơdrong jang lơ̆m kơpal teh, Kăch mạng kŏng ngê̆ 4.0 păng pơrang jĭ COVID-19 tŏk bŏk oei kơtă pơrăm truh apŭng plenh teh pơma atŭm păng đe drăkăn pơma adrô̆.

Lan chih păng pơre nơ̆r