VOV4.Bahnar - Pơ ma tơ̆ ‘măng hop akŏm yao ƀan trực tuyến Anih pơ gơ̆r tang găn jĭ Covid-19 pơ lei tơm Hồ Chí minh ‘năr 2/7, Phŏ Thủ tướng Trương Hoà Bình athei pơ lei tơm Hồ Chí Minh dăr hơ len dơ̆ng rim tơ drong hơ găt vei sơ đơ̆ng tang găn jĭ hơ buh lơ̆m đĭ đăng rim tơ drong jang, tơ ring, hơ nih vă tơ roi păng tơ lĕch jang đei yua lơ̆m tơ drong ‘nao, hơ drin truh hơ tuch khei 7/2021, jĭ hơ buh tơ jur rơ đăh, tơ jur lơ păng khei 8/2021 kĕ tang găn đĭ hơ buh. Kiơ̆ kơ Phŏ Thủ tướng Trương Hòa Bình, rim quận – apŭng tơ̆ pơ lei tơm kơ chăng lăng kiơ̆ lơ̆m đei ƀôh tơ plih tơ drong jĭ hơ buh lơ̆m rim tơ ring vei lăng vă hơ met ming tang găn yak vih vơ̆t lơ lơ̆m tơ pôl mă lăp; gơ̆h tơ mơ̆t yua đơ̆ng tơ drong tơ chơ̆t 10 đơ̆ng Anih vei lăng kon pơ lei pơ lei tơm Hồ Chí Minh dăh mă athei tơ mơ̆t yua tơ drong tơ chơ̆t 16 đơ̆ng Thủ tướng teh đak tơ dăh ƀôh kăl tơ pă. ‘Ngoăih kơ ‘noh, kăl hơ tŏk hơ jăp jang đơ̆ng Anih pơ gơ̆r tang găn jĭ Covid-19 rim quận – apŭng, grŭp Covid-19 tơ pôl kiơ̆ tơ drong tơ lĕch jang dăr hơ len, hơ len lăng păng sek phak dôm bơ ngai pơm glăi tơ drong hơ găt tang găn jĭ đơ̆ng pơ lei tơm.

Thuem: Tơ blơ̆