VOV4.Bahnar - Anih jang Khŭl kơ dră teh đak đei hla ar tơ roi nơ̆r tơ gop đơ̆ng phŏ Thủ tướng teh đak  Lê Văn Thành găh tơ drong pơm tơ drong hiôk ăn chơ chuĕn tơ mam lơ̆m tơ drong jĭ Covid-19. Kiơ̆ kơ ‘noh, Phŏ Thủ tướng teh đak Lê Văn Thành athei: Ưh kơ hơ len lăng tơ̆ dôm hơ nih răp găn vei lăng jĭ hăm gre đei Hla ar lăng băt đei QR Code oei đei khei ‘năr pơ kăp yua đơ̆ng Anih vei lăng trong nơ năm gre kơ dâu asong chơ chuĕn tơ mam pơ yua ăn ming man, pơm tơ lĕch, tĕch mơ dro, tĕch tơ̆ teh đak đe, răt yua ( ư̆h kơ jô̆ dôm tơ mam kơ̆m pơm tơ lĕch, tĕch mơ dro kiơ̆ tơ drong hơ găt) lơ̆m đĭ đăng rim trong gre kơ dau hrĕnh, trong gre tih, trong gre lơ̆m dêh char, trong nơ năm lơ̆m apŭng, trong nơ năm tơ̆ anih kơ drơ̆m lơ̆m teh đak. Mư̆h gre ư̆h kơ đei hla ar lăng băt QR Code dăh mă đei mă lei đĭ khei ‘năr gơ̆h yua ‘noh pơm kiơ̆ hơ len lăng tơ drong tơ roi tơ băt y tế păng Hla ar pơ kăp ư̆h kơ đei jĭ SARS-COV-2 hăm bơ ngai lơ̆m gre. Tơ̆ rim tơ ring đei jĭ, rim tơ ring kơ chăng đei trong jang chĕng song trong, pơ gơ̆r trong nơ năm mă lăp tang găn tôch ai gre mơ̆t lơ̆m anih kơ drơ̆m vă tang găn jĭ hơ buh mă lei athei vei sơ đơ̆ng tơ drong jang chơ chuĕn, gre kơ dâu, tĕch tơ mam hiôk klĕch tơ ring.

Thuem: Tơ blơ̆