VOV4.Bahnar - Phŏ Thủ tướng teh đak Trương Hòa Bình hlôi năm hơ len lăng păng bơ̆ jang hăm khŭl kơ dră chĕp kơ̆l dôm quận Gò Vấp păng Bình Thạnh kơ pơ lei tơm Hồ Chí Minh găh tơ drong jang tang găn jĭ lơ̆m tơ ring. Tơ̆ dôm jơ bơ̆ jang hăm 2 quận Gò Vấp păng Bình Thạnh, Phŏ Thủ tướng athei dôm quận kăl kơ đei trong tơ lĕch jang hơ met ăn tôm tơ mam, kơ măy kơ mŏk vă vei sơ đơ̆ng 4 kơ tă anih mư̆h jĭ hơ buh đei ƀôh krê hơ mơt. Hơ tŏk loi dơ̆ng vei lăng tơ ring, hơ nơ̆ng tŭn pran tơ roi tơ băt truh kon pơ lei, mă loi ‘noh jĭ hăm rim anih jang pơm tơ lĕch, rim anih oei đơ̆ng kŏng nhân, bơ ngai tĕch mơ dro iĕ jang ‘lơ̆ng kiơ̆ athei 5K. Phŏ Thủ tướng tơ tă kơ rim tơ ring kăl kơ jang ‘lơ̆ng tơ drong jang hơ dai lơ̆m tơ lĕch jang kiơ̆, mă loi ‘noh jĭ mư̆h đei khŭl jang đei ăn năm jang vă tơ gŭm tang găn jĭ. Kiơ̆ kơ ƀok, mă đơ̆ng khŭl jang vang jang tang găn jĭ đơ̆ng tơ ring nai ăn năm truh dăh mă khul jang tơ̆ tơ ring ‘noh quận adoi athei kơ chăng vei lăng kơ jăp, drơ̆ng 1 nơ̆r, vei sơ đơ̆ng ư̆h kơ lê̆ ƀơm ư̆h kơ ‘lơ̆ng, pơm mơ mat tat ăn kon pơ lei.

Thuem: Tơ blơ̆