VOV4.Bahnar - Kơ sơ̆ 9/12, tơ̆ Anih jang kơ Khul kơ dră tĕh đak, Phó Thủ tướng Phạm Bình Minh pơ gơ̆r hop akŏm pơ ma găh tơ drong pơih dơ̆ng trong păr vih vât hăm apŭng plenh tĕh đơ̆ng ‘năr 15/12 kiơ̆ nơ̆r athei đơ̆ng Anih tơm vei lăng trong nơ năm. Anih tơm vei lăng trong nơ năm tơ lĕch 2 jăl jang pơ long năng vă pơih dơ̆ng dôm trong păr chơ tơ moi yak vih vât đơ̆ng apŭng plenh tĕh mât tơ̆ Việt Nam.

Phó Thủ tướng Phạm Bình Minh akhan, athei chă rơih 1,2 tĕh đak sơ đơ̆ng ‘lơ̆ng hơ drol. Tơ moi mât tơ̆ Việt Nam đơ̆ng dôm gre păr athei pơm lăp hăm tơ drong hơ găt găh tang găn jĭ; ƀet tôm 2 jrŭm vaccine, dăh mă đĭ klăih jĭ COVID-19, set hơ len PCR ưh đei pơ rang jĭ lơ̆m dang 72 jơ adrol kơ hao gre păr. Phó Thủ tướng oei athei pơ lăp 1 kơ măy chih tơ roi găh jơ hngâm jăn vă tơ mât yoa hăm bơ ngai mât tơ̆ tĕh đak bơ̆n, pơ jing tơ drong ‘lơ̆ng ăn tơ drong tang găn jĭ.

Dơ̆ng: Tơ blơ̆