VOV4.Bahnar  – Năr 15/10, tơ̆ Hà Nội hlôi pơm Lêh tơbăt 91 xơnăm 'năr tơ iung pơjing Jơnŭm đe Drăkăn Việt Nam (20/10) păng pôk hơpăh đe Drăkăn Việt Nam. Vang năm akŏm păng pơma lơ̆m jơ lêh, Phŏ Thủ tướng teh đak bơ̆n Phạm Bình Minh thơ thâu hăm dôm anih jang, tơ 'ngla jang đei iŏk hơpăh Đe Drăkăn Việt Nam.

'Meh vă khei năr truh dôm anih jang, tơ 'ngla jang chơt hơ iă đei pôk hơpăh pơtoi akŏm tơdrong lăp, gơh rơgei, tơplih 'nao, pơjing dôm tơmam drăm đei hơnăn Việt ang bang lơ̆m kơpal teh. Phŏ Thủ tướng Phạm Bình Minh pơkăl dôm anih jang tơm, rim tơring tơrĕk, pơm kiơ̆ tơnăp hloh dôm trong pơkăp jang hăm tơdrong hơtŏk tơ iung kơ đe drăkăn pơma atŭm păng drăkăn iung pơm jang pơma adrô̆. Dôm jăl jang pơtoi tơbang đon rơgei po, pơih xă tơdrong tơroh, kơdih jang atŭm hăm dôm anih jang tơm, anih jang mŭk drăm vă tơlĕch jang đei jơnei hloh dơ̆ng Tơdrong jang  “Tơgŭm drăkăn iung pơm jang”. Vă roi năr roi đei lơ anih jang, tơ 'ngla drăkăn pơm jang đei jơnei hloh.

Lan chih păng pơre nơ̆r