VOV4.Bahnar - Gơ măng ‘năr (21/11), tơ̆ Hà Nội, Anih vei lăng sơ đơ̆ng trong nơ năm kơ teh đak pơ gơ̆r lêh ƀlŏk hơ dơ̆r kơ dôm bơ ngai lôch răm đơ̆ng gre tơ̆m, pơ̆k, preh băl”. Vang truh akŏm đei Phŏ Thủ tướng Phạm Bình Minh. Hăm nơ̆r pơ ma “ Ƀlŏk hơ dơ̆r kơ bơ ngai lôch - Yua kơ bơ ngai oei arih”, ‘nâu jĭ sơ năm mă 10 tơ drong jang kăl đei pơ gơ̆r tơ̆ Việt Nam păng jing sơ năm mă 2 Anih vei lăng sơ đơ̆ng trong nơ năm kơ teh đak pơ gơ̆r tơ drong jang “ Bơ ngai buăl tơ̆ trong” tơ klep hăm “ Lêh ƀlŏk hơ dơ̆r kơ dôm bơ ngai lôch răm yua đơ̆ng gre tơ̆m, pơ̆k, preh băl”. Pơ ma tơ̆ lêh ƀlŏk hơ dơ̆r bơ ngai lôch răm yua đơ̆ng gre tơ̆m, pơ̆k, preh băl, Phŏ Thủ tướng Phạm Bình Minh krao hơ vơn kon pơ lei 1 jơ hngơ̆m pơm kiơ̆ tơ păt Luơ̆t vei sơ đơ̆ng trong nơ năm vă ư̆h pă đei dôm ‘măng gre tơ̆m pơ̆k preh băl ơh sơ ‘ngon đei ƀôh. Lêh ƀlŏk hơ dơ̆r kơ dôm bơ ngai lôch răm yua đơ̆ng gre tơ̆m pơ̆k preh băl đei pơ gơ̆r rim sơ năm păng jing nơ̆r tơ roi tơ tă truh tơ pôl găh đon băt kơ chăng mưh hao gre tơ̆ trong vă vei lăng tơ drong arih.

Thuem: Tơ blơ̆