VOV4.Bahnar  – Phŏ Thủ tướng Phạm Bình Minh 'nao xơng pơma dơnuh hăm Ƀô̆ trưởng Anih tơm jang tơbôl Singapore Vivian Balakrishnan. Phŏ Thủ tướng Phạm Bình Minh xơkơ̆t, tơbôl jang hadoi Việt Nam - Singapore tŏk bŏk oei hơtŏk đẹiơnei hơ iă.

Phŏ Thủ tướng bơnê kơ 2 păh hrôih pơjing, pơgơ̆r hop akŏm 2 khul jang găh tơjră pơrang jĭ COVID-19, tơrĕk truh pơdrơ̆ng xơkơ̆t dih băl găh chư̆ng chỉ vaccine păng jang hadoi mŭk drăm sô̆ vă pơm trong ăn tơdrong hơmet hơtŏk mŭk drăm trŏ ƀlep hăm khei năr dang ei. Duh lơ̆m jơ xơng, Phŏ Thủ tướng Phạm Bình Minh pơkăl Singapore jang atŭm kiơ̆ pơkăp găh dôm tơdrong đei ƀôh lơ̆m tơring păng apŭng plenh teh mă 2 păh atŭm tơrĕk truh, lơ̆m noh đei tơdrong Biển Đông, vei xơđơ̆ng găh tơdrong tơguăt tơguăl păng xơnong jang tơm kơ ASEAN.

Lan chih păng pơre nơ̆r