VOV4.Bahnar – Kơsơ̆ năr 11/6 tơ̆ Anih jang Khul kơpal teh đak, pơgơ̆r tơdrong hop akŏm trư̆k tuyê̆n đơ̆ng Anih Pơgơ̆r jang kơ teh đak găh tang găn păng tơjră pơrang jĭ Covid-19 hăm minh ƀar dêh char, plei tơm đei dôm Anih jang kŏng ngĭp, tơroi găh tơdrong hlôh vao lơ̆m tang găn păng tơjră pơrang jĭ lơ̆m dôm hnam kơmăi, anih jang tih.

          Phŏ Thủ tướng Vũ Đức Đam, Kơdră jơnŭm pơgơ̆r jang tơrĕk hăm dôm tơring adrin ưh đei lê̆ pơrang tơpoh lang xă; mưh đei bơngai ƀơm jĭ Covid-19 lơ̆m anih jang kŏng ngĭp noh athei hơlen băt tenh lơ̆m 3 'năr blŭng. Lơ̆m hop akŏm, khul kơpal kơ dôm dêh char Bắc Ninh, Bắc Giang, Hà Nội, Bình Dương, Long An, Tây Ninh, Bà Rịa Vũng Tàu păng plei tơm Hồ Chí Minh adoi pơngơ̆t kơ đon găh tơdrong tơpoh đơ̆ng pơrang jĭ Covid-19 truh dôm hnam kơmăi, anih jang tih lơ̆m dôm anih jang kŏng ngĭp. Hăm tơdrong hơbuh jĭ hli hlơt 'măng mă 4 hăm tơdrong ƀôh đei lơ bơngai ƀơm jĭ hloh, Anih juăt jang kơ Jơnŭm pơgơ̆r jang kơ teh đak pơkăl dôm tơdrong ưh gơh pơhơi, athei hơlen hơnơ̆ng, pơm kiơ̆ ƀlep tơdrong tang găn păng tơjră jĭ, athei iŏk yua trong pơkăp 5K, mă hăt noh chô̆ che gom ƀŏ ƀơ̆t lĕch đơ̆ng hnam, nĕ chă akŏm kơdrâ̆m bơngai.

 Lan chih păng pơre nơ̆r