VOV4.Bahnar - Phó Thủ tướng Trương Hoà Bình kŭm hăm Khul jang đơ̆ng Khul kơ dră tĕh đak ‘nao truh dăr lăng tơ drong jang tang găn jĭ Covid-19 tơ̆ dêh char Đồng Tháp. Iung pơ ma lơ̆m jơ bơ̆ jang, Phó Thủ tướng Trương Hoà Bình tơ tă Đồng Tháp đei trong sơ lam hăm Campuchia, tơ drong krê đơ̆ng bơ ngai mât lơ̆m tĕh đak trŏ luơ̆t, glăi luơ̆t păng krê jĭ tơ pŏh mât tôch dêh.

Phó Thủ tướng Trương Hoà Bình pơ ma nơ̆r pơ tho lơ̆m jơ bơ̆ jang

Phó Thủ tướng athei dêh char Đồng Tháp akŏm tôch ai bơ̆ jang 'lơ̆ng nơ̆r pơ tho đơ̆ng Ban Bí thư, Thủ tướng tĕh đak, trong jang 5K + vaccine, roi tơ băt hơ tŏk đon hlôh vao ăn kon pơ lei, sek tơ lang tơ păt dôm bơ ngai pơm glăi tơ drong tang găn jĭ, mă loi 'nŏh hăm bơ ngai mât lơ̆m tĕh đak glăi luơ̆t. Ưh gơ̆h lăng pơ hơi, ưh kơ chăng lơ̆m tơ drong tang găn jĭ, tơ lĕch jang ‘lơ̆ng dôm trong jang tang găn jĭ, mă loi jĭ lơ̆m dôm năr pơ dơ̆h lêh 30/4 – 1/5 kŭm nhen hơ met ăn pôk rơih truh âu kơnh.

Dơ̆ng: Tơ blơ̆