VOV4.Bahnar - Phŏ Thủ tướng teh đak Trương Hòa Bình, Phŏ Kơ dră Jơ nŭm vei lăng pôk rơ̆ih teh đak ‘nao hơ len lăng găh tơ drong jang pôk rơ̆ih bơ ngai tang măt kuôk hô̆i jăl 15 păng jơ nŭm pơ gơ̆r kon pơ lei tơ̆ rim tơ ring jăl jang 2021-2026 lơ̆m dêh char Đồng Tháp. Pơ ma tơ̆ jơ bơ̆ jang, Phŏ Thủ tướng Trương Hòa Bình lăng ‘lơ̆ng tơ drong jang hơ met ăn pôk rơ̆ih đơ̆ng Đồng Tháp hlôi akŏm athei, pơ gơ̆r tơ lĕch jang rim tơ drong jang kơ jăp, hrơ̆ch 1 ‘măng, vei sơ đơ̆ng ƀlep tơ drong jang păng athei tơ lĕch ăn.

Phŏ Thủ tướng Trương Hòa Bình, Phŏ Kơ dră Jơ nŭm vei lăng pôk rơ̆ih teh đak pơ ma tơ̆ jơ bơ̆ jang

Hlôi jang kiơ̆ trong tơ lĕch jang, ƀlep trong kiơ̆ Luơ̆t pôk rơ̆ih, tơ drong tơ chơ̆t đơ̆ng rim hla ar pơ tho đơ̆ng Jơ nŭm vei lăng pôk rơ̆ih teh đak. Phŏ Thủ tướng pơ ma hơ dăh, khei ‘năr đơ̆ng dang ei truh năr pôk rơ̆ih ư̆h pă lơ, yua thoi noh dêh char Đồng Tháp hơ nơ̆ng tŭn pran tơ drong jang tơ roi tơ băt, lăng năr pôk rơ̆ih ‘noh jĭ năr akŏm đơ̆ng đĭ đăng kon pơ lei, lăng kăl tơ roi tơ băt, krao hơ vơn tơ̆ rim tơ ring, truh tơ̆ rim ŭnh hnam, kon pơ lei găh tơ drong ‘lơ̆ng păng tơ drong gĭt kăl đơ̆ng ‘măng pôk rơ̆ih.

Thuem: Tơ blơ̆