VOV4.Bahnar - Đơ̆ng rŏng kơ tơ drong tơ chơ̆t tang găn, ưh ăn vih vât mât lĕch lơ̆m plt HCM kiơ̆ tơ drong hơ găt kơ sô̆ 15 păng quận Gò Vấp, phường Thạnh Lộc kơ Kuơ̆n 12 kiơ̆ tơ drong hơ găt kơ sô̆ 16 đơ̆ng Thủ tướng tĕh đak, pơ gê 31/5, Phó Thủ tướng Trương Hòa Bình truh dăr lăng tơ drong tang găn jĭ COVID-19 tơ̆ plt.

Phó Thủ tướng Trương Hòa Bình pơ ma nuh hăm công nhân

Phó Thủ tướng Trương Hòa Bình truh dăr lăng tơ drong tang găn jĭ tơ̆ 3 công ty găh Tơ ring jang kơ măy pơm tơ lĕch tơ mam tĕch tơ̆ tĕh đak đe Tân Thuận (kuơ̆n 7) đei: Công ty TNHH MTex Việt Nam, Công ty TNHH Kim May Organ Việt Nam păng Công ty TNHH Nikkiso Việt Nam.

Đơ̆ng rŏng kơ hơ len năng tơ̆ 3 anih jang lơ̆m Tơ ring jang kơ măy pơm tơ mam tĕch tơ̆ tĕh đak đe Tân Thuận, Phó Thủ tướng truh dăr lăng tơ drong tang găn jĭ tơ̆ Anih ăn oei hơ drô̆ lơ̆m Ký túc xá Đại học Quốc gia plt HCM. ‘Nâu jĭ 1 lơ̆m dôm ký túc xá tih hlŏh kơ dôm hnam trưng Đăi hŏk, cao đẳng tơ̆ tơ ring đei Dơ nŏ anih vei lăng kon pơ lei plt HCM iŏk vă pơm anih oei hơ drô̆ ăn dôm bơ ngai tơ ƀâp hăm bơ ngai tơ pŏh virus SARS-CoV-2.

Dơ̆ng: Tơ blơ̆