VOV4.Bahnar - Kơ sơ̆ 28/12, Phó Thủ tướng Lê Văn Thành truh hơ len năng tơ̆ tơ ring păng bơ̆ jang hăm dêh char Lâm Đồng păng dôm anih tơm, anih jang kơ pal đei ƀơm truh găh tơ drong hơ met jên tơ mât ăn tơ drong jang pơm trong gre kơ dâu hrĕnh đơ̆ng Tân Phú (Đồng Nai) - Bảo Lộc (Lâm Đồng) păng Bảo Lộc - Liên Khương.

Jơ bơ̆ jang đơ̆ng Phó Thủ tướng Lê Văn Thành

Tơ drong jang pơm trong gre kơ dâu hrĕnh Tân Phú - Bảo Lộc kơ jung 66km, lơ̆m nŏh đei 11km găh dêh char Đồng Nai păng 55km găh dêh char Lâm Đồng. ‘Nâu jĭ 1 lơ̆m 3 tơ drong jang đei lơ̆m tơ drong jang pơm trong gre kơ dâu hrĕnh Dầu Giây - Liên Khương. Tơ drong jang đei pơm 2 jăl tơ mât jên jang, tơ chĕng adrol gô pơm đang păng tơ mât yoa lơ̆m sơ năm 2025.  

Pơ ma lơ̆m jơ bơ̆ jang, Phó Thủ tướng Lê Văn Thành tơ chĕng ‘lơ̆ng tơ drong dêh char Lâm Đồng kơ chăng mong akŏm jên jang đơ̆ng dôm anih tĕch mơ dro păng 1 păh jên mong kơ tơ ring, ưh đei iŏk jên trung ương mưh tơ mât jên pơm hlŏh 140km trong tre kơ dâu hrĕnh. Atŭm hăm ‘nŏh, athei dôm anih tơm, anih jang kơ pal đei ƀơm truh tơ gŭm ăn dôm dêh char hơ met pơ ‘lơ̆ng mơ mat tat, pơm pơ kĕh hla ar vă jăh tơ lĕch jang, tơ mât yoa dôm jăl trong gre kơ dâu hrĕnh kiơ̆ tơ drong hơ găt.

Dơ̆ng: Tơ blơ̆