VOV4.Bahnar - “Tây Ninh hơ tŏk loi dơ̆ng hơ len lăng rim tơ ring đei hơ mơt lơ, tơ tĕnh pơm dơ̆ng dôm tơ ring sơ đơ̆ng, vă kon pơ lei jăh vih hơ lơ̆k dơ̆ng tơ drong arih sa hmă ‘nao”. ‘Nâu jĭ athei đơ̆ng Phŏ Thủ tướng Vũ Đức Đam, Kơ dră Anih pơ gơ̆r teh đak tang găn jĭ Covid-19 tơ̆ jơ bơ̆ jang hăm dêh char Tây Ninh găh tơ drong jang tang găn jĭ hrei ‘nâu. Iŏk đơ̆ng đei ƀôh jĭ Covid-19 truh dang ei, dêh char đei 3 rơ bâu 296 ‘nu jĭ covid-19. Dang ei, dêh char đei 2 tơ ring hơ mơt lơ ‘noh jĭ thị xã Trảng Bàng păng apŭng Dương Minh Châu. Tơ gĕch yua  khei ‘năr ư̆h kơ ăn yak vih vơ̆t lơ̆m tơ pôl kiơ̆ tơ chơ̆t 16, dêh char akŏm tơ chă, hơ len lăng đei rơ̆ih iŏk hăm tơ drong  vei kơ jăp pơ̆ih să tơ ring ‘lơ̆ng, gơ var tơ ring hơ len lăng să, găn ư̆h kơ lê̆ tơ poh lanh tơ̆ tơ ring nai. Dang ei, Tây Ninh  kơ chăng pơ jing trong jang hơ met đơ̆ng 5000 -10 rơ bâu ‘nu jĭ vă đei dôm trong jang iŏk hơ met ăn mă lăp. Lơ̆m noh, pơ jing 5  hnam pơ gang pơ gia.

Thuem: Tơ blơ̆