VOV4.Bahnar - Phó Thủ tướng  Vũ Đức Đam, Kơ dră Anih pơ gơ̆r jang kơ tĕh đak găh tang găn jĭ COVID-19 pơ gơ̆r bơ̆ jang trư̆k tuyê̆n hăm Grŭp jang gĭt kăt kơ Khul kơ dră tĕh đak, trư̆k tuyê̆n hăm kơ dră chĕp kơ̆l plt Hồ Chí Minh găh tơ drong tang găn jĭ. Chih răk dôm tơ drong adrin đơ̆ng plt Hồ Chí Minh, Phó Thủ tướng Vũ Đức Đam akhan, plt kăl đei dơ̆ng anih hơ met ăn dôm bơ ngai jĭ covid-19 ăl, hơ nơ̆ng găn ƀiơ̆ kơ sô̆ bơ ngai lôch.

Hơ drô̆ hăm khul jang Shiper, bơ ngai chă pơ jao tơ mam oei tơ ƀâp mơ mat tat, ƀât lăp đei bơ ngai tŏk iŏk jên vă răt gre bơ̆ jang, plt athei đei trong tơ gŭm asong tŏk iŏk jên hăm dôm bơ ngai jang găh tơ drong 'nâu. Ƀơm truh khul jang shiper tơ ƀâp mơ mat tat găh jên nhen Phó Thủ tướng Vũ Đức Đam pơ ma, plt pơ kăp vă bơ̆ jang kiơ̆ nơ̆r pơ tho đơ̆ng Phó Thủ tướng Vũ Đức Đam, tơ̆ hơ năp dang ei 'nŏh set hơ len, pơ dui khei ‘năr kla hre ăn shiper păng 1,2 khul grŭp nai.

Dơ̆ng: Tơ blơ̆