VOV4.Bahnar  – Kơsơ̆ năr 28/6, tơ̆ Anih jang Khul kơpal, Phŏ Thủ tướng Vũ Đức Đam, Kơdră Jơnŭm pơgơ̆r jang kơ teh đak găh tang găn păng tơjră pơrang jĭ COVID-19 hlôi hop akŏm trư̆k tuyê̆n hăm 5 tơring noh: Quảng Ngãi, Bình Thuận, Khánh Hoà, Bình Định, păng Phú Yên găh tơdrong jang tang găn păng tơjră pơrang jĭ. Dang ei, rim tơring adoi tenh kuăng hơtŏk trong hơmet jĭ, xek hơlen pham, hơtŏk dôm anih pơkăp oei tơklăh kiơ̆ tơchơ̆t “tôm anih jang chĭnh trĭ hăt hot pơm jang, khŏm mă tang găn pơrang jĭ tenh kuăng hloh”. Phŏ Thủ tướng Vũ Đức Đam akhan, tơdrong tơroi tơbăt găh dôm bơngai F0, F1, F2 đơ̆ng dôm tơring tŏk bŏk oei adar. Tơdrong hli tơpoh pơrang jĭ noh lang xă tih tên... Phŏ Thủ tướng pơkăl mă tam đei pơrang, dôm dêh char duh athei hơtŏk tơdrong hơlen pham vă vei xơđơ̆ng tơnăp hloh ăn rim hnam pơgang; xơkơ̆t dôm tơring ƀơm pơrang lơ̆m tơpôl vă hơlen pơkăp adrol.

Lan chih păng pơre nơ̆r