VOV4.Bahnar - Phŏ Thủ tướng Vũ Đức Đam, Kơ dră Anih pơ gơ̆r jang teh đak găh tang găn jĭ Covid-19 ‘nao hop akŏm trực tuyến hăm kơ dră chĕp kơ̆l dêh char Đồng Nai . Pơ ma pơ gơ̆r tơ̆ jơ hop akŏm, Phŏ Thủ tướng Vũ Đức Đam tơ tă, Đồng Nai đei tơ jê̆ pơ lei tơm Hồ Chí Minh, đei hloh 1 puăt triê̆u kŏng nhân lơ̆m hơ nih jang kơ măy kơ mŏk, đei tơ nŏk đak dơ sĭ, tơ ƀưh hăm Bình Dương… tơ dăh lê̆ jĭ mơ̆t tơ poh gô tôch kơ mơ mat tat. Yua thoi noh, dêh char kăl kơ vei lăng kơ jăp bơ ngai năm đơ̆ng pơ lei tơm Hồ Chí Minh, Bình Dương tơ̆ Đồng Nai păng hơ lơ̆k dơ̆ng.

Phŏ Thủ tướng Vũ Đức Đam pơ ma hơ dăh, vei lăng kơ jăp ư̆h kơ sĭ găn yak vih vơ̆t, kơ̆m tĕch mơ dro sa ôh, mă kăl athei tŭn pran tơ mơ̆t yua kơ măy kơ mŏk kơ tơ̆ng ang vă vei lăng bơ ngai năm vih vơ̆t. Mư̆h jĭ hơ buh đei ƀôh, kơ dră chĕp kơ̆l dêh char Đồng Nai kăl kơ drơ̆ng 1 nơ̆r gơ var tơ tĕnh hloi đơ̆ng blŭng, jang hrĕnh, vei sơ đơ̆ng tôm gre, tơ mam vă khŭl jang pơ gang sơ đơ̆ng jơ hngơ̆m, akŏm bơ̆ jang tang găn jĭ.

Thuem: Tơ blơ̆