VOV4.Bahnar - Tơ drong jang tơ jră jĭ tơ̆ pơ lei tơm Hồ Chí Minh oei lơ̆m khei ‘năr đunh, yua thoi noh rim khŭl linh kơ pal tơ lĕch jang lơ trong jang ‘lơ̆ng vă anih jang mơ dro sa pơm tơ lĕch tơ mam sa păng anih jang chơ chuĕn tơ mam, pơ vih pơ văn bơ̆ jang lăp tơ drong, vei sơ đơ̆ng tơ drong arih sa ăn kon pơ lei. ‘Nâu jĭ nơ̆r pơ ma hơ dăh đơ̆ng Phŏ Thủ tướng Vũ Đức Đam, Kơ dră Anih pơ gơ̆r jang teh đak tang găn jĭ Covid-19 tơ̆ ‘măng hơ len lăng tơ drong jang tang găn jĭ tơ̆ 1,2 anih pơm tơ lĕch, tĕch mơ dro ‘năr brei (6/8) tơ̆ pơ lei tơm Hồ Chí Minh. Vă vei sơ đơ̆ng bơ̆ jang pơm tơ lĕch hơ nơ̆ng, ‘lơ̆ng, Phŏ Thủ tướng athei pơ lei tơm Hồ Chí Minh tơ tĕnh ƀet đĭ vaccine ăn bơ ngai jang tơ̆ dôm anih jang mơ dro sa pơm tơ lĕch gĭt kăl. Rim anih jang mơ dro sa kơ chăng kĭ hla ar hăm anih jang pơ gang vă pơm kiơ̆ hơ len lăng pơ gang rim năr.

Thuem: Tơ blơ̆