VOV4.Bahnar - ‘Năr 17/9, Phŏ thủ tướng teh đak Vũ Đức Đam păng kơ dră chĕp kơ̆l 1,2 anih tơm, anih jang Trung ương hlôi năm bơ̆ jang pơ gơ̆r tơ drong jang tang găn jĭ Covid-19 tơ̆ dêh char Tiền Giang. Pơ ma tơ̆ jơ bơ̆ jang, phŏ Thủ tướng Vũ Đức Đam chih iŏk dôm tơ drong hơ drin gleh hrat đơ̆ng rim kơ dră, rim anih jang, rim tơ ring kơ dêh char Tiền Giang lơ̆m tơ drong jang tang găn jĭ covid-19 lơ̆m tơ ring khei ‘năr âu ki; mă loi ‘noh jĭ tơ drong tơ lĕch jang dôm tơ drong tơ gŭm vei lăng sơ đơ̆ng tơ drong arih sa, tơ pôl, hơ dai hăm ‘noh răp mơ̆ng, chih răk dôm nơ̆r tơ gop đơ̆ng tơ ring. Phŏ Thủ tướng Vũ Đức Đam hlôi tơ roi đei dôm tơ drong ưh tam mă ‘lơ̆ng lơ̆m tơ drong jang tang găn jĭ mă dêh char Tiền Giang kăl kơ bơ ngơ̆t truh tơ̆ hơ năp kơnh vă jăh tang găn kĕ jĭ hơ buh. Hăm dôm tơ ring hlôi yŭih hŭt pơ vang găn athei hơ nơ̆ng vei lăng kơ jăp tơ ring, hơ nơ̆ng hơ len lăng đei ƀôh jĭ vă vih hơ lơ̆k hmă ‘nao dơ̆ng.

Thuem: Tơ blơ̆