VOV4.Bahnar – Phŏ Thủ tướng Vũ Đức Đam 'nao bơ̆ jang hăm Khul kơpal Quận 6, Quận 7, apŭng Bình Chánh (plei tơm HCM) găh tơdrong hơmet pơm kiơ̆ pơkăp oei tơklăh lơ̆m tơpôl kiơ̆ Tơchơ̆t 16/CT-TTg.

'Nguaih kơ dôm tơdrong mă Thủ tướng Teh đak hlôi tơbăt hơdăh lơ̆m tơdrong hop akŏm trư̆k tuyê̆n ăh pơgê năr 8/7, Phŏ Thủ tướng Vũ Đức Đam tơbăt hăm plei tơm HCM 4 tơdrong lơ̆m khei năr pơm kiơ̆ pơkăp oei tơklăh lơ̆m tơpôl kiơ̆ Tơchơ̆t 16/CT-TTg. Lơ̆m noh, plei tơm HCM athei xơkơ̆t hơdăh tơchơ̆t adrin kơjung hloh, pran hloh vă đơ̆ng rŏng kơ 15 năr athei pơjing đei tơring xơđơ̆ng ưh đei pơrang jĭ, tơring xơđơ̆ng tơnăp lơ̆m jâ̆p plei tơm truh quận, apŭng păng truh tơ̆ xăh, phương. 'Meh thoi noh, nhen lơ̆m 1 tơdrong jang, plei tơm HCM athei đei “trong pơkăp jang” hơdăh rim năr, tơchơ̆t kăl đei jơnei, dôm tơdrong mă jơnŭm pơgơ̆r tơring, rim anih jang tơpôl, anih jang mŭk drăm, kon pơlei athei jang. Tơbang hơdăh tơdrong jang âu ăn kon pơlei, tơpôl băt păng iŏk jang.

Lan chih păng pơre nơ̆r