VOV4.Bahnar - Tơ\ Hà Nội, Pho\ Thủ tướng te\h đak Vũ Đức Đam vang hop ako\m dro\ kăn khoa ho\k păng kơ măy kơ mo\k ‘măng mă mônh tơ ring găh tu, yua đơ\ng khu\l dro\ kăn hơ drol Việt Nam pơ gơ\r. Kiơ\ Pho\ thủ tướng Vũ Đức Đam, te\h đak hơ yơ đei tơ drong pran găh khoa ho\k kơ măy kơ mo\k ‘no\h te\h đak ‘no\h đei tơ drong pran tơ\ đ^ đăng rim tơ drong jang.

Tơ\ Việt Nam, khei ‘năr âu ki, rim kơ so# tơ pl^h ‘nao hơ gei jơ\p plei te\h, kơ so# ke\ pơ jei hơ nơ\ng kơ to\k lơ\m 3 sơ năm âu ki. Io\k đei jơ nei âu đei tơ drong vang tơ gop tôch kơ ‘nă hal đơ\ng khu\l hơ gei Việt Nam, hăm tơ drong vang tơ gop măt đơ\ng lơ bơ ngai jang khoa ho\k dro\ kăn.

Pho\ Thủ tướng pơ ma hơ dăh (pơ tho pơ hrăm păng khoa ho\k kơ măy kơ mo\k), vă tơ ge\ch io\k tơ drong hiôk đơ\ng tơ drong jang kach mang kơ măy kơ mo\k ‘măng mă 4 păng vă te\h đak hơ to\k tơ iung hre\nh păng kơ jăp, ‘no\h kăl kơ pơm tơ drong hiôk hlo\h ăn kơ rim bơ ngai jang khoa ho\k dro\ kăn, dôm bơ ngai dro\ kăn ho\k jru\.  

Thuem: Tơ blơ\