VOV4.Bahnar - ‘Năr 1/4, Việt Nam sơng iŏk 811 rơ bâu 200 kơ liêu Vaccine bơ̆ng jĭ Covid-19 blŭng a đơ̆ng Covax Facility hăm tơ drong tơ gŭm đơ̆ng UNICEF, WHO, GAVI păng CEPI, rim hơ nih pơm tơ lĕch Vaccince păng rim teh đak jang hơ dai vă vei sơ đơ̆ng rim teh đak adoi đei gơ̆h yua vắc xin mĭnh trong hơ tŏ hơ nơ̆ng păng đei yua. Tơ̆ lêh sơng iŏk Vaccine Covid-19 tơ̆ Hà Nội, Phŏ Thủ tướng Vũ Đức Đam gơ̆ih nơ̆r bơ nê kơ rim teh đak păng rim anih jang apŭng plĕnh teh hlôi tơ gŭm Vaccine Covid-19 ăn kơ Việt Nam, hơ dai hăm ‘noh sơ kơ̆t hơ dăh Việt Nam khŏm iŏk yua jơ nei kiơ̆ ƀlep tơ drong hơ tŏ hơ nơ̆ng Vaccine. Tơ chĕng hơ drol, hloh 3,3 triệu kơ liêu vaccine gô đei pơ truh lơ̆m khei 5 truh, đơ̆ng rŏng ‘noh vaccine gô hơ nơ̆ng đei pơ truh păng tech ăn Việt Nam lơ̆m hơ tuch sơ năm 2021.

Thuem: Tơ blơ̆