VOV4.Bahnar  – Jơnŭm pơgơ̆r jang tang găn păng tơjră pơrang jĭ COVID-19 plei tơm HCM ăn tơbăt, plei tơm tŏk bŏk oei hơmet minh Tơchơ̆t 'nao vă trŏ ƀlep hăm tơdrong đei ƀôh kơ plei tơm dang ei. Adrol kơ noh, năr 24/9, Kơdră Anih vei lăng kon pơlei plei tơm HCM Phan Văn Mãi hlôi kĭ pơkăl tơchơ̆t kơsô̆ 3165 pơkăl Thủ tướng teh đak axong ăn plei tơm đei pơkăp kơdih iŏk yua ăn tơdrong đei ƀôh 'nao, trŏ ƀlep hloh hăm tơdrong erih lơ̆m tơring. Kơchĕng tơchơ̆t âu gô đei tơlĕch păng iŏk yua đơ̆ng năr 1/10.

Tôm tong hơmet âu gơnơm lơ̆m tơdrong pơtho đơ̆ng Anih tơm Y tê̆. 'Nguaih kơ noh, plei tơm HCM duh pơkăl đei tơrĕk axong vaccine ăn plei tơm păng tơring mŭk drăm tơm găh pơbăh, vă dăh hrôih iŏk jang kiơ̆ tơchơ̆t tơlĕch. Găh trong nơnăm lơ̆m khei năr âu, Anih jang găh trong nơnăm tam mă đei trong jang hơdăh ăn tơdrong vih vơ̆t lơ̆m plei tơm păng đơ̆ng dôm tơring tơjê̆, dang đơ̆ng dôm dêh char năm truh plei tơm HCM păng vih hơlơ̆k dơ̆ng.

Lan chih păng pơre nơ̆r