VOV4.Bahnar – Vă je# 258 tih 400 triu hlj noh jing kơso# jên păng kơjă tơmam drăm mă kon pơlei, anih jang mu\k drăm păng anih jang tơgu\m tơpôl lơ\m păng 'nguaih kơ teh đak tơgop ăn Jên mong tang găn păng tơjră j^ Covid-19 plei tơm Hô Ch^ Minh. Đơ\ng jên mong âu, plei tơm hlôi axong hloh 86 tih hlj măt păng tơmam drăm, kơmăi kơmo\k đei io\k axong ăn dôm anih jang vă jang tang găn păng tơjră j^ Covid-19 lơ\m plei tơm. Plei tơm Hô Ch^ Minh duh tơgu\m dêh char Hải Dương 2 tih hlj; axong 1 tih hlj ăn dôm Anih Linh vei xơlam teh, khul dân kuân păng dôm bơngai jang chă hơlen tang găn pơrang j^ tơ\ tơring xơlam teh kơ dôm dêh char Kiên Giang, An Giang, Đồng Tháp, Đăk Nông, Đăk Lăk, Gia Lai, Kon Tum. Atu\m hăm noh chă năm  hơpeh hơpong, axong tơmam ăn đe thây pơgang vang jang tang găn păng tơjră j^ Covid-19 [ơ\t 'Năr Thây pơgang Việt Nam 27/2 xơnăm âu. Kơche\ng, Jơnu\m jang hơvơn hơlêm xơng io\k păng axong ăn Jên mong âu gô pơtoi axong pơhlom 22,6 tih hlj vă răt tơmam drăm kơmăi kơmo\k duh nhen tơgu\m ăn dôm anih jang y te# to\k bo\k oei pơm jang tang găn păng tơjră j^ Covid 19.

Lan chih păng rapor