VOV4.Bahnar – Pơgê năr (7/5), hlôi pơm lêh axong tơmam đơ̆ng Anih vei lăng kon pơlei plei tơm Hô Chĭ Minh tơgŭm ăn jơnŭm pơgơ̆r kơ 2 anih tơm Phnom Penh (Campuchia) păng Vientiane (Lào) vă tơgŭm dôm plei tơm âu pơm jang tang găn păng tơjră pơrang jĭ Covid-19. Ăh jơ lêh hlôi pơgơ̆r kiơ̆ pơkăp trư̆k tuyê̆n tơ̆ 3 anih tơroh kơ plei tơm Hô Chĭ Minh, Phnom Penh păng Viêng Chăn hăm tơdrong vang akŏm đơ̆ng Kơdră Anih vei lăng kon pơlei plei tơm Hô Chĭ Minh Nguyễn Thành Phong, Kơdră anih tơm Phnom Penh Khuong Sreng păng Kơdră anih tơm Vientiane Atsaphangthong Siphandone. Pơma ăh jơ lêh, kơdră plei tơm Hô Chĭ Minh, anih tơm Phnom Penh păng anih tơm Viêng Chăn hơpơi 'moih pơtoi hơtŏk tơbôl kơjăp đơ̆ng jơnŭm pơgơ̆r tơring păng kon pơlei 3 plei tơm, kơchăng hơtŏk pran tơdrong jang hadoi, tơroi tơbăt rim tơdrong, mă kăl noh găh mŭk drăm, tĕch pơdro kơtă đơ̆ng rŏng kơ pơrang jĭ đei kĕ tang găn. Ƀơ̆t 'măng âu, Kơdră Anih vei lăng kon pơlei plei tơm Hô Chĭ Minh Nguyễn Thành Phong hlôi pơjao tơmam tơgŭm hăm jên đei kơjă 50.000 đôlar ăn jơnŭm pơgơ̆r tơring rim plei tơm Phnom Penh păng Vientiane.

Lan chih păng pơre nơ̆r