VOV4.Bahnar - Lơ̆m ‘năr 14/10, Trung đoàn Gia Định – Anih chĕp kơ̆l khul linh plt HCM păng Dơ nŏ anih vei lăng kon pơ lei 1,2 kuơ̆n, apŭng lơ̆m plt pơ gơ̆r bơ nê, tơ klăh ti khul linh, linh jang pơ gang đơ̆ng dôm dêh char, plt vang tơ gŭm ăn plt tang găn jĭ COVID-19.

Kơ dră chĕp kơ̆l Kuơ̆n 1 plt HCM hơ păh che bronh ăn đe linh

Vă jê̆ 2 khei âu ki, hlŏh 300 ‘nu bơ ngai hŏk tơ̆ Hnam hŏk Quân y đei nơ̆r athei đơ̆ng Hà Nội mât tơ̆ plt HCM vang bơ̆ jang tang găn jĭ COVID-19. Dang ei đei vih dơ̆ng tơ̆ anih kơ dih, hơ nơ̆ng hŏk pơ hrăm, lơ linh mơ lôh ưh kĕ ôn tơ drong chơt hơ iă, ƀlŏk ‘mêm mưh athei lĕch đơ̆ng plt.

Lơ̆m ‘năr 14/10 mơ̆n, Dơ nŏ anih vei lăng kon pơ lei Kuơ̆n 1 păng Kuơ̆n 5 jang hơ doi hăm Công ty chă tơ mang lăng Ảnh Việt păng Anih ‘măn răk tơ mam đơ̆ng tơ blăh sơ̆ pơ gơ̆r bơ nê kơ đe linh vang tơ gŭm tang găn jĭ tơ̆ tơ ring khei ‘năr âu ki. Đơ̆ng rŏng vă jê̆ 2 khei athei năm tơ̆ plt HCM vang bơ̆ jang tang găn jĭ COVID-19, dôm khul linh đơ̆ng Anih tơm vei lăng khul linh tĕh đak vă kơ dŭn lĕch mưh plt HCM pơ tơm mât lơ̆m chăl sơ đơ̆ng ‘nao.

Dơ̆ng: Tơ blơ̆