VOV4.Bahnar  -  {ok Thiều Kim Chung, Kơ dră vei lăng Hơp tak xăh Minh Chung, tơ\ thôn 4, xăh An Thành, apu\ng Đắk Pơ, de#h char Gia Lai tơ roi tơ băt, hơp tak xăh đei hlo\h 250hec tar kơ tao yua đơ\ng 35 ‘nu bơ ngai jang hơ doi băl. Blu\ng pơ yan nao kơ sơ năm ‘nâu, m^h ma duch nă jang lơ\m hơp tak xăh tôcg hơ ble\k kơ đon yua kơ [ơ\t te\ch ăn kơ Hnam kơ măy pơm s^k Bình Định, đei  hnam kơ măy pơ go\ io\k s^k kơ jă măk đang kơ ‘no\h răt dơ\ng hăm kơ jă re\h. Đơ\ng ro\ng kơ An^h Rađiô nơ\r pơ ma Việt Nam păng 1,2 an^h jang ch^h hla ar kơ tơ\ng ang tơ roi tơ băt tơ drong yan âu ‘nâu , Hnam kơ măy pơm s^k Bình Định hlôi pơ dơ\h trong jang kla jên hl^ch âu. Mă lei, tơ pl^h lơ\m no\h dơ\ng, kơ jă răt kơ tao đei Hnam kơ măy au tơ jur oei pă 870 hlak jên hăm kơ tao 10 kơ so# đak s^k, to\ xe\t hlo\h 30 hlak jên pơ têng hăm kơ jă blu\ng pơ yan jang. Mă lei hăm tơ jur kơ jă, Hnam kơ măy  lăp răt kơ tao păh lăp đe\ch păng ư\h kơ kla jên hloi. Kon pơ lei jang sa athei gô ư\h kơ băt tru\h lai yơ mă gơ\h io\k đei kon jên. {ok Thiều Kim Chung pơ ma: “ 5 tru\h 10 năr đe sư mă ăn kơ phie#u vă tơ mơ\t đei 1 pôm gre ‘no\h tru\h lai yơ mă đ^ kơ tao ăn kơ kon pơ lei jang kơ tao. Đơ\ng sơ\ ‘no\h j^ jang sa hăm Hnam kơ măy pơm s^k, dang ei tôm tơ drong mă lei athei lăp đon đe\ch bơ\ih. Du da jăh hu\t le# tơ\ no\h, đe sư kla lai yơ ‘no\h đe sư kla va\ pơm liơ băt”.

‘Nâu j^ sơ năm kơ tao mă 3, hnam kơ măy pơm s^k Bình Định hiơ\ kơ kla jên ăn kơ kon pơ lei, pơm ăn ble\k kơ đon. Mă lei, lơ kon pơ lei hlôi bơ\h [ơm jang hơ doi hăm hnam kơ măy pơm s^k Bình Định hơ nat vă tơ chă đei an^h răt io\k nai ăn kơ d^h. Yua kơ 1 hnam kơ măy pơm s^k nai lơ\m tơ ring pơ tăm kơ tao ‘no\h j^ hnam kơ măy pơm s^k An Khê, ‘no\h kơ sư\k ư\h kơ gan jăng, ư\h kơ ke\ răt io\k pơ đ^. Oei tơ dăh te\ch ăn kơ đe mơ dro sa nai, kon pơ lei gô oei đei pơ go\ kơ jă re\h hlo\h dơ\ng. {ok  Nguyễn Hồng Hạnh, thôn 2, xăh Nghĩa An, apu\ng Kbang, de#h char Gia Lai, đei hlo\h 20hec tar kơ tao, tơ roi tơ băt:“Dang ei tơ drong ar^h sa nei, athei đei thoi âu thoi to. Kơ so# kơ tao An Khê mă v^h đ^ tơ\ hnam kơ măy pơm s^k An Khê ‘no\h gô đunh de#h, kơ sư\k sư ư\h kơ va\ pơm. Athei klăih song 2 păh, te\ch mơ dro athei đei pơ jei băl, 2 hnam kơ măy pơ jei băl ‘no\h kon pơ lei mă gơ\h ar^h sa ă, mư\h 1 hnam kơ măy hơ dro# đe\ch ‘no\h ư\h kơ gơ\h hơ ar^h o#h.”

Kon pơ lei pơ tăm kơ tao ư\h kơ gơ\h tơ chơ\t an^h răt io\k kơ tao ăn kơ d^h, athei pơ mơ\ng pơ đ^ lơ\m hnam kơ măy ‘no\h j^ tơ pă  yan âu pơm ăn kơ hnam kơ măy gô [ônh kơ pơ go\ bơ ngai pơ tăm kơ tao. Tơ drong pơ tăm kơ tao đei pơ go\ io\k s^k ư\h khan lăp jing 1 lơ\m dôm tơ drong pơm glăi ư\h kơ tơ păt đơ\ng hnam kơ măy, đei [o#h lơ\m pơ yan jang âu. Hơ drol ‘no\h, lơ tơ drong đei jâu kơ ne# hlôi pơ dui đunh lơ sơ năm mă tam mă đei nơ\r tơl tro\ [lep păng kon pơ lei athei e\nh pơm pơ ‘lơ\ng đe\ch. ‘No\h j^ rim tơ drong jâu găh ư\h kơ ‘lơ\ng lơ\m jo# pơ to\ đak s^k păng kơ so# kơ tao. Rim kơ so# âu đei hnam kơ măy ko\ng k^ jo# pơ to mă lei ư\h kơ đei 1 ko\ng ti dăh mă 1 an^h jang hơ yơ dăr hơ len. ‘Nho\ng Đinh Văn Mạnh, tơ\ plei Ia Peng, xăh Ia Sol, apu\ng Phú Thiện, de#h char Gia Lai, đei hlo\h 10 hec tar kơ tao tơ roi tơ băt:“{ơ\t mă chơ năm tơ\ Kon Tum hăm pơ đ^ hloi tơ\ Vạn Phát đak s^k sư lơ mă lei tơ\ âu hnam kơ măy bơ\n sư kơ tul de#h. Bơ ngai te\ch tơ\ ‘ngoăih tôch kơ lơ, ku\m 1 puăt na chu\n, ku\m ko\h io\k lơ\m 1 hơ găt te\h ‘nâu mă lei đe thoi no\h mă nhôn ‘no\h pha. Xơ năm sơ\ hnam kơ măy nhôn ‘nâu, dôm j^t to\ gre mă lei ư\h kơ đei gre hơ yơ đei kơ so# s^k 10 ngăl. Găh lơ ‘no\h j^ pơ mơ\ng lơ\m tơ drong tơ păt đơ\ng hnam kơ măy đe\ch”.  

Jo# tru\h jơ ‘năr âu, ako\p đ^ đăng hơ găt kơ tao tơ\ de#h char Gia Lai hlôi io\k đei  hlo\h 38.000 hec tar, to\k hlo\h 10 ‘măng pơ têng hăm khei ‘năr kơ sơ năm 1999 – 2000. Kơ tao jing ‘long pơ tăm tơm lơ\m hơ met ming ‘long pơ tăm kơ Gia Lai, mă lei tơ drong kon pơ lei athei hơ doi hăm hnam kơ măy lơ\m jơ hngơ\m ble\k ư\h kơ hiôk, oei đei [o#h nhen 1 tơ drong j^ pơ tôch, ư\h kơ băt lai yơ sư pơ chăh, pơm pơ chăh an^h jang sa âu. {ok Đặng Vũ Đại, 1 ‘nu kon pơ lei pơ tăm kơ tao tơ\ xăh Ia Amron, apu\ng Ia Pa, de#h char Gia Lai pơ ma:“Hnam kơ măy jang sa kiơ\ thoi âu ‘no\h tuch luch ku\m pơ chăh đ^. Yua kơ kiơ, athei pơ\ih ‘măng rơ hơi ăn te\ch mơ dro, s^k Thái Lan sư đei lơ lơ\m te\h đak bơ\n ‘no\h an^h jang kơ tao s^k âu lôch đe\ch ke\ kơ dâu đơ\ng yơ. Thái Lan sư jang ‘no\h sư jang hơ gei ro\ khan sư pơm kơ tao s^k nhen thoi âu lei.”

Hăm tơ drong mơ\t jang hơ doi hăm apu\ng ple\nh te\h, pơ\ih ‘măng an^h te\ch mơ dro sa, ư\h kơ đei thue# ăn kơ tao s^k đơ\ng rim te\h đak păng hăm dôm tơ drong ư\h kơ hlo#h vao lơ\m pơm tơ le\ch kơ tao s^k, dôm tơ drong kơ ne# lơ\m tơ drong pơ vei đơ\ng hnam kơ măy păng kon pơ lei pơ tăm kơ tao, tôch kơ hơ nat vă kơ an^h jang găh kơ tao s^k tơ\ tơ ring pơ tăm kơ tao tơm Gia Lai dơ\ng kơ jăp lơ\m khei ‘năr tru\h. Păng hăm dôm tơ drong đei [o#h ư\h kơ ‘lơ\ng rim sơ năm roi to\k, nhen đơ\ng kon pơ lei Gia Lai păng hnam kơ măy pơm s^k Bình Định, ư\h khan lăp hơ dro# kon pơ lei, mă an^h jang mơ dro sa, ku\m to\k bo\k yak tôch trong. Tơ drong pơ chăh pơ chek đơ\ng tơ drong pơ vei jang sa âu ro\ lăng gô đei [o#h, tơ dăh ư\h kơ đei dôm tơ drong hơ met ‘lơ\ng păng tơ tom.

Bơngai tơblơ\ nơ\r: Thuem