VOV4.Bahnar - Hop akŏm pơ ma dơ nuh ‘măng mă 3 vă rơ̆ih iŏk, chih hơ năn dôm bơ ngai jang kơ anih jang tơ̆ Trung ương gơ̆h lĕch pơ jei pơm bơ ngai tang măt Kuôk hô̆i jăl 15 pơ gơ̆r lơ̆m pơ gê hei, ‘năr 16/4, tơ̆ Hà Nội. Hop akŏm pơ ma dơ nuh ‘măng mă 3 tơ̆ trung ương yua đơ̆ng khŭl kơ dră Anih jang Trung ương Mặt trận Tổ quốc Việt Nam pơ gơ̆r vă rơ̆ih iŏk, chih hơ năn dôm bơ ngai gơh lĕch pơ jei pơm bơ ngai tang măt Kuôk hô̆i tơ̆ trung ương. Hop akŏm pơ ma dơ nuh, rơ̆ih iŏk, chih hơ năn dôm bơ ngai gơh lĕch pơ jei pơm bơ ngai tang măt Kuôk hô̆i. Mư̆h ư̆h kơ drơ̆ng nơ̆r đei ‘noh hop akŏm tơ chơ̆t pơ drơ̆ng kiơ̆ hăm trong yơ̆r ti dăh mă tăh kơ phiê̆u. Kiơ̆ tơ drong hơ găt, hiơ̆ hloh ‘noh ‘năr 23/4/2021 (30 năr hơ drol kơ năr pôk rơ̆ih), Khŭl chĕp kơ̆l pơ gơ̆r Anih jang Trung ương Mặt trận Tổ quốc Việt Nam gơ̆ih hla ar ƀiên ƀan Hop akŏm pơ ma dơ nuh ‘măng mă 3 păng hơ năn dôm bơ ngai gơh lĕch pơ jei đei Khŭl kơ dră Anih jang Trung ương Mặt trận Tổ quốc Việt Nam rơ̆ih bơ ngai tang măt Kuôk hô̆i truh Jơ nŭm vei lăng pôk rơ̆ih teh đak păng Anih jang chĕp kơ̆l pơ gơ̆r Kuôk hô̆i.

Thuem: Tơ blơ̆