VOV4.Bahnar - Hop ako\m bơ ngai tang măt Đảng bộ de#h char Sóc Trăng ‘măng mă 13, jăl jang 2015-2020 pơ tơm pơ gơ\r blu\ng pơ gê brei, (28-10). Kơ dră An^h jang Trung ương mặt trận Tổ quốc Việt Nam Nguyễn Thiện Nhân vang năm ako\m păng pơ gơ\r hop ako\m. Pơ ma pơ gơ\r hop ako\m, Kơ dră an^h jang Trung ương mặt trận tổ quốc Việt Nam Nguyễn Thiện Nhân tơ re\k tru\h Sóc Trăng oei jing de#h char oei dơ nu\h hin tơ\ tơ ring, tơ drong ar^h sa kơ 1,2 u\nh hnam kon pơ lei oei tơ [ơ\p lơ mơ mat tat; io\k yua bơ\ jang oei to\ se\t. Khei ‘năr tru\h kơnh de#h char kăl kơ ako\m jang kơ măy kơ mo\k ‘nao hăm lơ hơ dre\ch ‘long, kon tơ rong đei kơ jă mu\k drăm lơ, hơ to\k pran jang sa hơ dai hơ to\k kơ jă tơ mam drăm, hơ nơ\ng bơ\ jang kiơ\ rim trong jang tro\ [lep vă tơ pl^h ming, hơ to\k ‘lơ\ng tơ drong ar^h sa kơ kon pơ lei bơ ngai Khmer, bơ ngơ\t tru\h pơ hrăm ming kang [o# bơ ngai Khmer; lăng kăl tơ drong jang pơ jing Đảng ke\ che\p kơ\l pơ gơ\r tơ ring hơ to\k tơ iung lơ\m 5 sơ năm tru\h.