VOV4.Bahnar - Pơ gê 14/12 tơ̆ Hnam hôp Diên Hồng, lơ̆m Hnam Kuô̆k hô̆i, Anih tơm Chinh trĭ, Ban Bí thư pơ gơ̆r hop akŏm jang tơ bôl lơ̆m tĕh đak tơ lĕch jang kiơ̆ tơ drong Tơ chơ̆t đơ̆ng Hop akŏm mă XIII kơ Đảng kiơ̆ trong trư̆k tuyê̆n hơ dai hăm pơ gơ̆r kơ tă.

Tổng bí thư Nguyễn Phú Trọng truh hop akŏm păng đei ƀai iung pơ ma gĭt kăl lơ̆m hop akŏm. ‘Nâu jĭ hop akŏm jang tơ bôl lơ̆m tĕh đak mă blŭng yoa Anih tơm Chinh trĭ, Ban Bí thư iŏk pơ gơ̆r vă pơ ma găh tơ drong jang tơ bôl đơ̆ng Đảng, tơ drong jang tơ bôl đơ̆ng tĕh đak, tơ drong jang tơ bôl đơ̆ng kon pơ lei păng rim anih jang chinh trĭ.

Hop akŏm jĭ jơ năr vă Anih jang tơ bôl hơ len năng tơ drong tơ lĕch trong jang păng pơ gơ̆r bơ̆ jang ‘lơ̆ng đei yoa dôm tơ drong jang tơ bôl tơm lơ̆m dôm sơ năm truh. ‘Nâu kŭm jing jơ năr vă dôm anih jang kơ pal, tơ ring tơ rang păng khul kăn ƀô̆ jang tơ bôl hlôh vao tôm tơ drong păng jrŭ hlŏh dơ̆ng găh rim tơ drong, anih dơ̆ng kơ tĕh đak lơ̆m tơ ring păng apŭng plenh tĕh; anih dơ̆ng, tơ drong kăl đơ̆ng jang tơ bôl đunh đai, tơ iung pơ jing păng vei lăng tĕh đak, pơ jing đei jơ hngâm pran ‘nao, đon pơ hnŏng ‘nao păng kơ sư̆k plơ̆ng ăn rim anih jang chinh trĭ, dôm anih jang kơ pal, khul grŭp păng rim bơ ngai lơ̆m tơ drong jang tơ bôl.

Dơ̆ng: Tơ blơ̆