VOV4.Bahnar - Pơ gê ‘nâu, 8/12, pơ gơ̆r hop akŏm mă 6 kơ Anih chĕp kơ̆l pơ gơ̆r Kuô̆k hô̆i jăl XV. Hop akŏm âu pơ gơ̆r 2 đơt (đơt 1 đơ̆ng 8-10/12, đơt 2 đơ̆ng 21-22/12/2021).

Tơ̆ đơt 1, Anih chĕp kơ̆l pơ gơ̆r Kuô̆k hô̆i tơ gop nơ̆r ăn Luơ̆t hơ met ming, chih tơ mât dơ̆ng 1,2 tơ drong đơ̆ng Luơ̆t tơ mât jên jang tĕh đak, Luơ̆t tơ mât jên jang kiơ̆ trong tĕh đak hăm kon pơ lei jang hơ doi, Luơ̆t tơ mât jên jang, Luơ̆t rơih anih jang, Luơ̆t unh điên, Luơ̆t tĕch mơ dro, Luơ̆t Thuê̆ tĕch tơ mam kăl păng luơ̆t pơm kiơ̆ nơ̆r sek duh.

Hơ len năng tơ drong asong bơ̆ jang kiơ̆ 1,2 trong jang tơ gŭm găh jang pơ gang vă pơ yoa ăn tơ drong tang găn jĭ COVID-19. Kŭm lơ̆m đơt 1 âu mơ̆n, Anih chĕp kơ̆l pơ gơ̆r Kuô̆k hô̆i tơ gop nơ̆r găh tơ drong tơ chơ̆t jang pơ long năng 1,2 trong jang, tơ drong tơ gŭm hơ drô̆ vă atŏk tơ iung plt Cần Thơ; tơ drong hơ met ăn hop akŏm ưh ê kơ Kuô̆k hô̆i jăl XV.

Dơ̆ng: Tơ blơ̆