VOV4.Bahnar - Pơ gê 29/6, Jơ nŭm pơ gơ̆r kon pơ lei dêh char Gia Lai jăl XII, đơ̆ng 2021 – 2026 pơ gơ̆r hop akŏm ‘măng mă 1. ‘Nâu jĭ ‘măng hop akŏm tôch gĭt kăl, vă pơih blŭng ăn tơ drong jang đơ̆ng Jơ nŭm pơ gơ̆r kon pơ lei dêh char păng Khul kơ dră chĕp kơ̆l dêh char Gia Lai đơ̆ng 2021 – 2026.

Lơ̆m hop akŏm âu, Jơ nŭm pơ gơ̆r kon pơ lei dêh char vă set hơ len, tơ chơ̆t 1,2 tơ drong kăl đei: Hla ar chih tơ roi găh tơ drong pôk rơih bơ ngai tang măt Jơ nŭm pơ gơ̆r kon pơ lei dêh char păng hla ar chih tơ băt dôm bơ ngai tang măt Jơ nŭm pơ gơ̆r kon pơ lei dêh char jăl 12, đơ̆ng 2021 – 2026; tơ chơ̆t pơ jing Anih vei lăng hơ drĕch kon kông găh Jơ nŭm pơ gơ̆r kon pơ lei dêh char păng pơ gơ̆r pôk rơih dôm kơ dră chĕp kơ̆l tơm dơ nơm lơ dêh char jăl 12;

Mơ̆ng Anih MTTQVN dêh char roi tơ băt hla ar chih akŏm nơ̆r tơ gop, nơ̆r apinh đơ̆ng bơ ngai tăh hla lơ̆m dôm ‘măng tơ ƀâp bơ ngai tăh hla hăm bơ ngai lĕch pơ jei pơm bơ ngai tang măt Jơ nŭm pơ gơ̆r kon pơ lei dêh char jăl 12, đơ̆ng 2021 – 2026; hơ len năng, tơ chơ̆t trong pơ gơ̆r hop akŏm lơ̆m sơ năm 2021 kơ Jơ nŭm pơ gơ̆r kon pơ lei dêh char jăl 12.

Dơ̆ng: Tơ blơ̆