VOV4.Bahnar - Pơ gê 27/4, tơ̆ Hnam Kuô̆k hô̆i, pơ gơ̆r hop akŏm ‘măng mă 55 kơ Anih chĕp kơ̆l pơ gơ̆r Kuô̆k hô̆i. Bơ̆ jang lơ̆m 1 năr, hop akŏm âu Anih chĕp kơ̆l pơ gơ̆r Kuô̆k hô̆i vă tơ gop nơ̆r blŭng a găh tơ drong hơ met ăn hop akŏm mă 1, Kuô̆k hô̆i jăl 15.

Anih chĕp kơ̆l pơ gơ̆r Kuô̆k hô̆i set hơ len, tơ chơ̆t găh trong iŏk yoa jên ‘mơ ‘met đei păng kơ sô̆ jên oei đei dơ̆ng lơ̆m kơ sô̆ jên trung ương sơ năm 2020. Hơ len năng dôm tơ drong iŏk đei lơ̆m hop akŏm mă 11, Kuô̆k hô̆i jăl 14 păng tơ gop nơ̆r blŭng a găh tơ drong hơ met ăn hop akŏm mă 1, Kuô̆k hô̆i jăl 15. Hơ len năng, tơ chơ̆t tơ drong iŏk yoa dơ̆ng kơ sô̆ jên oei rơ kăh đơ̆ng tơ drong Tơ chơ̆t kơ sô̆ 324 kơ Anih chĕp kơ̆l pơ gơ̆r Kuô̆k hô̆i jăl 14 vă tơ mât ăn tơ drong ming man dôm anih tang măt Việt Nam tơ̆ tĕh đak đe đơ̆ng 2021-2025.

Xet hơ len, tơ chơ̆t tơ lĕch dơ̆ng jên vă răt thim vắc xin, pơ gang pơ lôch pơ rang jĭ păng găr hơ drĕch kơ tĕh đak. Lơ̆m hop akŏm âu mơ̆n, Anih chĕp kơ̆l pơ gơ̆r Kuô̆k hô̆i set hơ len, tơ chơ̆t tơ drong pơ jing, chĕng hơ met ming tơ ring tĕh tơ̆ 5 dêh char, plt đei: Hà Nội, Thừa Thiên Huế, Thanh Hóa, Đồng Nai, Tuyên Quang.

Dơ̆ng: Tơ blơ̆