VOV4.Bahnar - Pơ gê ‘năr 14.12, Hop akŏm rim sơ năm kơ Nghị viện châu Á - Thái Bình Dương ‘măng mă 29 (APPF-29) yua đơ̆ng Kuôk hô̆i Hàn Quốc pơ gơ̆r kiơ̆ trong trực tuyến. Vang hop akŏm đei dang 150 ‘nu bơ ngai tang măt truh đơ̆ng rim nghị viện jang lơ̆m APPF, bơ ngai jang dăr hơ len păng rim tơ moi đei hơ vơn. Khŭl tang măt Kuôk hô̆i Việt Nam yua đơ̆ng Kơ dră Kuôk hô̆i Vương Đình Huệ pơm Kơ dră khŭl vang hop akŏm. Pơ ma kơ kuh chơt hơ iă kơ Hop akŏm, Kơ dră tơm teh đak Hàn Quốc Moon Jae-in pơ ma hơ dăh, rim nghị viện pơm hơ năp jang gĭt kăl, tang măt ăn nơ̆r pơ ma đơ̆ng kon pơ lei, pơ trŭt rim trong jang tơ gŭm vă hơ nhăk rim teh đak pơ vei ‘lơ̆ng hơ iă dơ̆ng. Kơ dră tơm Moon Jae-in krao hơ vơn, rim nghị viện APPF tơ ƀôh hơ năp jang chĕp kơ̆l lơ̆m tơ drong hơ met ăn 1 anglŏ ‘nao; hơ dai hăm ‘noh, tơ ƀôh tơ drong hơ mĕng, Hop akŏm APPF-29 gô jơ nei ‘lơ̆ng hơ iă, tơ gop hơ met ming jang hơ dai lơ pang vang tơ goăt tơ goăl, jang hơ dai tơ iung ming dơ̆ng đơ̆ng rŏng jĭ hơ buh yua kơ tơ̆ hơ năp kơnh ‘lơ̆ng hơ iă hloh, sơ kơ̆t hơ dăh tơ drong arih kơ jang tơ bôl lơ pang lơ̆m khei ‘năr hrei ‘nâu.

Thuem: Tơ blơ̆