VOV4.Bahnar - Pơ gê ‘năr 4/10, Hop akŏm ‘măng mă 4 Anih chĕp kơ̆l pơ gơ̆r Trung ương Đảng jăl 13 hlôi pơ gơ̆r tih tơ̆ anih tơm Hà Nội, Tổng Bí thư Nguyễn Phú Trọng pơ gơ̆r păng đei ƀai iung pơ ma blŭng a gĭt kăl tơ̆ hop akŏm. Hop akŏm ‘măng âu gô pơ ma dơ nuh, ăn tơ gop nơ̆r găh: tơ drong tang găn jĭ hơ buh Covid-19 păng đon tơ chĕng, trong jang găh tang găn jĭ lơ̆m tơ drong ‘nao; tơ drong mŭk drăm - tơ pôl sơ năm 2021, tơ chĕng hơ drol Trong tơ lĕch jang hơ tŏk tơ iung mŭk drăm - tơ pôl sơ năm 2022; tơ drong jang kiơ̆ jên jang teh đak sơ năm 2021, jô̆ hơ len jên jang teh đak sơ năm 2022 păng trong tơ lĕch jang jên hu - jên jang teh đak 3 sơ năm 2022 - 2024; Trong jang kơ dŭn khei ‘năr pơm kiơ̆ hơ met ming trong jang tơ gŭm jên khei kiơ̆ Tơ drong tơ chơ̆t kơ sô̆ 27-NQ/TW đơ̆ng Hop akŏm Trung ương 7 jăl 12 păng 1,2 tơ drong gĭt kăl nai. Tơ roi rơ đăh dôm tơ drong pơ truh ăn Hop akŏm Trung ương ‘măng âu ‘noh jĭ dôm tơ drong tôch kơ gĭt kăl hăm tơ drong pơm kiơ̆ jơ nei tơ drong tơ chơ̆t hop akŏm 13 kơ Đảng, đei hloi tơ drong jang kiơ̆ hơ năp jang tơm ‘noh jĭ hơ tŏk tơ iung mŭk drăm - tơ pôl păng tơ drong jang kiơ̆ hơ năp jang tơm ‘noh pơ jing, hơ met ming Đảng, Tổng Bí thư Nguyễn Phú Trọng 1 ‘măng dơ̆ng athei, Trung ương hơ tŏk ‘lơ̆ng jơ hngơ̆m đon jang tơ năp, tơ chĕng hơ len, pơ ma dơ nuh , vang tơ gop nơ̆r vă chih pơ keh dôm hla ar tơ roi tơ băt, tơ drong jang, hla ar chih dôm tơ drong tơ chơ̆t, pơ tôch đơ̆ng Trung ương păng set hơ len, tơ chơ̆t lơ̆m hơ tuch ‘măng hop akŏm. Hop akŏm tơ chĕng hơ drol bơ̆ jang truh ‘năr 7/10.

Thuem: Tơ blơ̆