VOV4.Bahnar - Kơ sơ̆ ‘năr 27/4, lơ̆m jơ năr Anih vei lăng mơ dro sa apŭng plĕnh teh (WTO), ‘măng dăr hơ len lăng trong jang tơ gŭm mơ dro sa ‘măng mă 2 đơ̆ng Việt Nam đei Anih tơm vei lăng găh kơ măy kơ mŏk mơ dro sa pơ gơ̆r hăm trong trực tuyến. Tang măt Khŭl Việt Nam, ƀok Trần Quốc Khánh – Phŏ kơ dră Anih tơm vei lăng găh kơ măy kơ mŏk mơ dro sa hlôi tơ roi hơ dăh dôm jơ nei tôch kơ ‘lơ̆ng păng hơ iă đơ̆ng Việt Nam jô̆ đơ̆ng ‘măng dăr hơ len lăng trong jang tơ gŭm mơ dro sa ‘măng mă blŭng lơ̆m sơ năm 2013, hơ dai hăm ‘noh pơ ma hơ dăh gô hơ nơ̆ng lơ̆m tơ drong mơ̆t jang hơ dai tôm tơ drong, jrŭ să, hơ met ming mŭk drăm kŭm nhen tơ păt jang kiơ̆ dôm nơ̆r pơ kăp apŭng plĕnh teh. Tơ̆ ‘măng hop akŏm, rim bơ ngai tang măt kơ Khŭl jang lơ̆m WTO kŭm hlôi chih iŏk tơ drong hơ tŏk tơ iung đơ̆ng mŭk drăm Việt Nam, hơ dai hăm ‘noh tơ lĕch dôm nơ̆r apĭnh vă bơ ngai tang măt păh Việt Nam tơ̆l nơ̆r, nhen: găh tơ drong mŭk drăm Việt Nam, trong jang mơ dro sa păng tơ mơ̆t jên jang, rim trong jang tơ gŭm mơ dro sa găh tơ drong hơ găt hải quan, tơ gŭm thuế răt tơ mơ̆t tĕch tơ lĕch tơ̆ teh đak đe, tang găn vei lăng mơ dro sa, iŏk yua tơ drong hơ gei, răt tơ mam khŭl kơ dră teh đak, trong jang tơ gŭm hơ tŏk tơ iung 1,2 tơ drong jang tơm nhen chŏh jang sa, ka hơ dang, ŭnh hơ yuh, kơ măy kơ mŏk , gre kơ dâu, pơ vih pơ văn viễn thông....

Thuem: Tơ blơ̆