VOV4.Bahnar - Pơ gê hei (14/6), tơ̆ hnam Kuôk hô̆i, pơ gơ̆r ‘măng hop akŏm mă 57 đơ̆ng Anih chĕp kơ̆l pơ gơ̆r Kuôk hô̆i. Pơ gơ̆r lơ̆m 2 năr, năr ‘nâu păng ‘năr dơ ning, tơ̆ ‘măng hop akŏm âu Anih chĕp kơ̆l pơ gơ̆r Kuôk hô̆i gô ăn tơ gop nơ̆r lơ̆m lơ tơ drong gĭt kăl. Kơ dră Kuôk hô̆i Vương Đình Huệ pơ ma pơ gơ̆r blŭng a, pơ tôch păng kŭm hăm rim Phŏ Kơ dră kuôk hô̆i bơ lơh băl pơ gơ̆r ‘măng hopa kŏm. Kiơ̆ tơ drong jang tơ chĕng hơ drol, Anih chĕp kơ̆l pơ gơ̆r Kuôk hô̆i ăn tơ gop nơ̆r găh Hla ar tơ roi tơ băt pơ tôch yak blŭng ‘măng pôk rơ̆ih bơ ngai tang măt Kuôk hô̆i jăl 15 păng bơ ngai tang măt Jơ nŭm pơ gơ̆r kon pơ lei rim tơ ring jăl jang 2021-2026. Ăn tơ gop nơ̆r găh tơ chĕng hơ drol Tơ drong jang pơ jing luơ̆t, khôi luơ̆t sơ năm 2022 đơ̆ng kuôk hô̆i. Ăn tơ gop nơ̆r găh tơ drong hơ met ăn ‘măng hop akŏm mă mônh, kuôk hô̆i jăl 15.

Thuem: Tơ blơ̆