VOV4.Bahnar - Dơ no\ an^h vei lăng kon pơ lei dêh char Khánh Hòa jang hơ doi hăm An^h tơm vei lăng tơ drong jo\h ayo\ kơ do\ xoang, tơ plo\ng kơ dâu păng chă tơ mang lăng pơ gơ\r Lêh pơih blu\ng ăn Sơ năm chă tơ mang lăng kơ te\h đak 2019 păng Festival Đak dơ s^ Nha Trang - Khánh Hòa.

Pơ ma lơ\m jơ pơm lêh, Phó Thủ tướng Vũ Đức Đam akhan, Chă tơ mang lăng j^ tơ drong jang oei đei lơ tơ drong ‘lơ\ng ưh lăp găh tơ mam bri brăh hăm lơ an^h. cham char ‘lơ\ng ro\ đe\ch mă oei đei lơ tơ mam jo\h ayo\ kơ do\ xoang ‘lơ\ng ro\, [e\nh tơ drong juăt ‘lơ\ng kơ hơ dre\ch hơ drung. Kiơ\ Phó Thủ tướng, dôm sơ năm tơ je# âu, chă tơ mang lăng đei trong jang to\k pran mă lei oei tam mă gan ‘lơ\ng, lăng dơ\ng lơ\m tơ ring păng lơ\m apu\ng plenh te\h, bơ\n athei hơ nơ\ng adrin hlo\h dơ\ng.

Phó Thủ tướng pơ ma hơ dăh: Vă tơ mang lăng gơ\h jing an^h jang mu\k drăm tơm, lơ tơ drong tơ gu\m, tơ drong hơ găt athei lăng hơ len dơ\ng, chih hơ met vă đei trong jang pran ‘lơ\ng hlo\h. Dôm trong jang ako\m kon pơ lei vang pơ jing an^h chă tơ mang lăng sơ đơ\ng, ‘lơ\ng hơ iă, rơ go\h, ‘lơ\ng ro\; tơ drong krao hơ vơn kon pơ lei pơ jing tơ drong arih xa ‘lơ\ng, rơ gei kăl đei rim an^h jang kơ pal tơ re\k hlo\h dơ\ng vă đ^ đăng tơ pôl, rim bơ ngai vang bơ\ jang ato\k tơ iung chă tơ mang lăng.

Dơ\ng: Tơ blơ\