VOV4.Bahnar - Pơ gê ‘năr  5/10, tơ̆ Hà Nội, Jơ nŭm Khŭl Trung ương jang hơ dai hăm Trung ương Khŭl Sinh viên Việt Nam păng Kŏng ti Cổ phần grŭp jang Thiên Long pơ gơ̆r tơ drong jang “ Pơ jao tơ mam hŏk pơ hrăm - pơ truh tơ drong gơh hơ gei” sơ năm 2021 vă tơ gŭm hŏk tro, sinh viên ƀơm ưh kơ ‘lơ̆ng yua đơ̆ng jĭ hơ buh đei tôm tơ mam hŏk pơ hrăm vă hŏk pơ hrăm. Tơ drong jang âu đei tơ lĕch jang tơ̆ dôm dêh char, pơ lei tơm pơm kiơ̆ ưh kơ ăn yak vih vơ̆t lơ̆m tơ pôl păng dôm dêh char, pơ lei tơm đei ƀơm ưh kơ ‘lơ̆ng kơ tang yua đơ̆ng jĭ Covid-19, yak truh hŏk tro, sinh viên jĭ kon oh unh hnam dơ nuh hin, kon pơ lei kon kông, kon kŏng nhân tŏk bŏk bơ̆ jang tơ̆ dôm hơ nih jang kơ măy kơ mŏk; păng kon unh hnam kang ƀô̆ khŭl linh, ƀak si, y tá, rim khŭl jang tang găn jĭ đei tơ drong arih sa mơ mat tat. Đơ̆ng dang ei truh hơ tuch sơ năm, tơ drong jang “ Pơ jao tơ mam hŏk pơ hrăm - pơ truh tơ drong gơh hơ gei” gô pơ jao hloh 8.000 tơ mam yua hŏk pơ hrăm păng ngôi pơ chơt, pơ cheh hơ gei; 650 kơ suơ̆t hŏk ƀŏng ăn hŏk tro jăl 1, 2; 200 kơ suơ̆t hŏk ƀŏng ăn kơ sinh viên dơ nuh hin;  20.000 tơ pu tơ mam hŏk ăn hŏk tro dơ nuh hin, mơ mat tat, tơ ring hơ tăih hơ tŏ jăl jang 2021-2025.

Thuem: Tơ blơ̆