VOV4.Bahnar - Kiơ̆ pơ gơ̆r đơ̆ng Anih tơm vei lăng găh jang pơ gang, Kŏng ti vaccine Việt Nam (VNVC) ‘nao pơ jao 1.113.400 kơ liêu vaccine AstraZeneca ăn Viện Pasteur  pơ lei tơm Hồ Chí Minh vă klăih song ăn rim dêh char, pơ lei tơm găh pơ băh, tơ tom tơ gŭm vă ƀet bơ̆ng Covid-19 ăn kon pơ lei. ‘Măng pơ jao hloh 1,1 triệu kơ liêu vaccine âu đei tơ drong ‘lơ̆ng gĭt kăl tơ̆ hơ năp tơ drong jĭ Covid-19 đei ƀôh dơ̆ng tôch kơ tang, ‘mĕh vă ƀet bơ̆ng vaccine đơ̆ng kon pơ lei tŏk bŏk tŏk lơ, mă loi ‘noh jĭ tơ̆ rim tơ ring  jĭ lơ nhen pơ lei tơm Hồ Chí Minh, Bình Dương… Tơ drong ƀet vaccine bơ̆ng jĭ kơ chăng, iŏk đei ư̆h kơ đei pơ rang jĭ lơ̆m tơ pôl hrôih gô tơ gŭm rim dêh char găh pơ băh pơ ma atŭm, lơ̆m teh đak pơ ma hơ drô̆ tơ jur hrăt hrot dêh hnang bơ ngai hơ met jĭ tơ̆ hnam pơ gang, tơ jur bơ ngai lôch. Jô̆ truh đĭ ‘năr 15/8, Việt Nam hlôi iŏk dang 21,5 triệu kơ liêu vaccine rim kơ loăi. Pơ lei tơm Hồ Chí Minh păng rim tơ ring hlôi ƀet vă jê̆ 14,7 triệu kơ liêu vaccine Covid-19, lơ̆m noh đei vă jê̆ 1,4 triệu ‘nu đei ƀet tôm 2 jrŭm.

Thuem: Tơ blơ̆