VOV4.Bahnar - Kơ kuh chơt hơ iă tơ băt 46 sơ năm năr rơ ngei tơ ring pơ băh rơ ngei teh đak (30/4/1975-30/4/2021), Khŭl hơ druh tơ dăm kŏng ti Ŭnh điên Dak Lak hlôi bơ̆ jang kiơ̆ iŏk jang păng pơ jao tơ drong jang “ Tơ̆k hơ dăh trong pơ lei” tơ̆ pơ gar bri ‘long teh đak Yok Don, apŭng Buôn Đôn. Tơ drong jang đei 10 kơ ƀŏng ŭnh kơ đeng tơ̆k hơ dăh hăm ŭnh hơ yuh măt ‘năr hăm akŏp kơ jă tơ mam pơm hloh  20 triệu hlak jên.

Tơ drong chô̆ păng tơ mơ̆t yua tơ mam tơk hơ dăh hăm ŭnh hơ yŭh măt ‘năr tơ gop ‘mơ ‘met ŭnh hơ yuh, ‘mơ ‘met jên lơ̆m kơ plăh iŏk yua. Hơ dai hăm tơ drong pơ yua ăn ‘mĕh vă năm vih vơ̆t, tơ mang lăng tơ̆ gơ măng tơ̆ Pơ gar bri ‘long teh đak, tơ drong jang oei tơ gop hơ tŏk ‘lơ̆ng vei sơ đơ̆ng lơ̆m tơ ring.

Thuem: Tơ blơ̆