VOV4.Bahnar - ‘Năr 25-11, Khŭl chĕp kơ̆l pơ gơ̆r Anih jang Đảng dêh char Dak Lak hlôi pơ gơ̆r lêh pơ tôch pơ long Chih hla ar kơ tơ̆ng ang găh pơ jing Đảng dêh char Dak Lak ‘măng mă III – sơ năm 2021 păng Tơ lĕch jang pơ long chih hla ar kơ tơ̆ng ang găh pơ jing Đảng dêh char Dak Lak ‘măng mă  IV – sơ năm 2022. Đơ̆ng rŏng hloh 8 khei tơ lĕch jang, Khŭl pơ gơ̆r jang hlôi sơng iŏk vă jê̆ 130 ƀai chih kơ tơ̆ng ang tơ̆ 4 kơ loăi: hla arƀăo in, ƀăo điên tư, ti vi, pơ re nơ̆r. Găh lơ ƀai chih hlôi pơm tôch kơ hơ len, chih tôch kơ hơ iă, đei tơ drong tơ chă, tơ roi ƀlep hăm tơ drong jang pơ jing Đảng đơ̆ng dêh char Dak Lak. Khŭl pơ gơ̆r jang hlôi pơ jao 2 jơ nei A, 3 jơ nei B, 5 jơ nei C, 9 jơ nei pơ chhơp jơ hngơ̆m ăn kơ dôm bơ ngai chih, grŭp chih iŏk đei jơ nei; rơ̆ih iŏk 17 ƀai gơ̆ih vang pơ long pơ tôch Jơ nei Búa liềm vàng lơ̆m teh đak ‘măng mă 6- sơ năm 2021. 

Khŭl pơ gơ̆r jang pơ jao ƀăng khen ăn dôm bơ ngai chih iŏk đei jơ nei

Tơ̆ jơ pơm lêh, kơ dră chĕp kơ̆l anih jang Đảng dêh char Dak Lak hlôi tơ lĕch jang Pơ long chih hla ar kơ tơ̆ng ang găh pơ jing Đảng dêh char ‘măng mă IV - sơ năm 2022, hơ dai hăm athei rim anih jang pơ gơ̆r kơ chăng tơ roi tơ drong kơ tơ̆ng ang kiơ̆ trong pơ kăp pơ ma, pơm tơ drong hiôk vă kang ƀô̆, đảng viên, kon pơ lei, bơ ngai jang joăt chih kơ tơ̆ng ang păng ưh kơ joăt hơ drin jang kiơ̆, vang pơ long....

Thuem: Tơ blơ̆