VOV4.Bahnar - Kơ dră tơm vei lăng tơ drong jang xa, linh jĭ rơ ka păng tơ pôl Đào Ngọc Dung kĭ tơ chơ̆t pơ jing 12 khul dăr lăng tơ drong tơ gŭm ăn bơ ngai jang păng bơ ngai iŏk đe jang tơ ƀâp mơ mat yoa đơ̆ng jĭ COVID-19.

Dôm khul đei tơ drong jang hơ len năng rim tơ drong hlôi jang păng athei jăh jang kiơ̆ mă ‘lơ̆ng dôm tơ drong tơ chơ̆t đơ̆ng Khul kơ dră tĕh đak păng Tơ drong tơ chơ̆t đơ̆ng Thủ tướng tĕh đak găh tơ drong tơ gŭm vei sơ đơ̆ng tơ drong arih xa tơ pôl păng tơ gŭm ăn bơ ngai jang, tơ ‘ngla iŏk đe jang tơ ƀâp mơ mat tat yoa đơ̆ng jĭ COVID-19;

Băt hơ dăh tơ drong ưh kơ măh bơ ngai jang lơ̆m rim anih jang, tơ drong jang tơ̆ anih tĕch mơ dro, tơ ring jang kơ măy, hnam kơ măy pơm tơ mam tĕch tơ̆ tĕh đak đe; tơ lĕch lơ trong hơ met pơ ‘lơ̆ng păng jang tŏk ming dơ̆ng, atŏk tơ iung anih jang păng tơ lĕch lơ nơ̆r pơ ma apĭnh. Khei ‘năr dôm khul pơ gơ̆r dăr lăng vă bơ̆ jang đơ̆ng ‘năr 21/10 truh đĭ ‘năr 03/11/2021.

Dơ̆ng: Tơ blơ̆