VOV4.Bahnar - Kơ sơ̆ ‘năr 1/10, tơ̆ hop akŏm tơ roi tơ băt đơ̆ng Anih pơ gơ̆r jang tang găn jĭ COVID-19 pơ lei tơm Hồ Chí Minh, Kŏng an pơ lei tơm tơ băt, hlôi hơ met pơ ‘lơ̆ng ăn dang 1.300 ‘nu kon pơ lei đei brŏk tơ̆ pơ lei lơ̆m pơ gê ‘năr 1/10. Tơ̆ hơ năp tơ drong kon pơ lei chông băl klĕch dôm hơ nih răp găn tơ̆ trong pơ lei tơm, khŭl kŏng an hlôi jang hơ dai hăm rim anih jang pơ̆ih aloa tơ roi tơ băt, krao hơ vơn kon pơ lei vih hơ lơ̆k dơ̆ng vă pơm kiơ̆ 5K vei sơ đơ̆ng ‘mĕh vă găh pơ gang. Đơ̆ng rŏng kơ krao hơ vơn, kon pơ lei oei ‘mĕh vă brŏk tơ̆ pơ lei kơ na Kŏng an pơ lei tơm hlôi jang hơ dai hăm Anih vei lăng găh trong nơ năm, gre kơ dâu, anih vei lăng găh jang pơ gang, anih tơm khŭl linh pơ lei tơm vă klăih song dôm khŭl kiơ̆ rim tơ ring hơ drô̆, asong kơ phiê̆u chih iŏk tơ drong kơ tơ̆ng ang. Ƀơ̆t hlôi chih iŏk tôm păng pơ ma dơ nuh hăm rim anih jang hơ met gre chơ bơ ngai păng gre, kŏng an pơ lei tơm chông trong ba kon pơ lei brŏk ăn kŏng an tơ ring sơng iŏk. Đei băt, lơ̆m ‘măng jĭ âu ki, pơ lei tơm Hồ Chí Minh hlôi jang hơ dai hăm rim tơ ring vă ăn hloh 37.000 ‘nu kon pơ lei brŏk tơ̆ pơ lei.

Thuem: Tơ blơ̆