VOV4.Bahnar - Pơ gê ‘năr 30/9, Phŏ Kơ dră Anih vei lăng kon pơ lei pơ lei tơm Hồ Chí Minh Lê Hoà Bình hlôi tơ băt hơ dăh Tơ drong tơ chơ̆t găh hơ nơ̆ng vei lăng, hơ met ming dôm trong jang tang găn jĭ COVID-19 păng dar deh tơ iung ming, hơ tŏk tơ iung mŭk drăm - tơ pôl lơ̆m pơ lei tơm Hồ Chí Minh. Kiơ̆ tơ drong tơ chơ̆t, kon pơ lei mưh chă nơ năm tơ̆ trong yua mã QR đơ̆ng phân mêm VNEID păng phân mêm jang pơ gang Hồ Chí Minh đei tơ ƀôh khei ‘năr ƀet vắc xin; bơ ngai ưh kơ đei mã QR, tơ ƀôh hla ar nhen: F0 đĭ klăih kơ jĭ hơ la kơ 180 năr; Đĭ ƀet bơ̆ng tŏ sĕt hloh 1 jrŭm hăm kơ loăi vaccine ƀet 2 jrŭm păng tŏ sĕt hloh 14 năr đơ̆ng rŏng kơ đei anih jang kơ pal athei.

Hop akŏm đơ̆ng Anih pơ gơ̆r jang tang găn jĭ COVID-19 pơ gê ‘năr 30/9

Pơm kiơ̆ tơ păt 5K, mưh đei ƀôh hiĕn yuh, dui jơ hngơ̆m mơ mat.... dăh mă kăl kâp kư̆u pơ gang, krao hloi điên thoăi kăl kơ grŭp tơ jră hrĕnh COVID-19 tơ̆ tơ ring dăh mă Tổng đài cấp cứu 115. Mă kăl ‘noh, kon pơ lei ưh kơ gơh chă năm vih vơ̆t kơ dih đơ̆ng rim dêh char, pơ lei tơm nai; mưh kăl athei năm vih lơ dêh char athei pơm kiơ̆ tơ drong hơ găt.

Thuem: Tơ blơ̆