VOV4.Bahnar - Đơ̆ng ‘năr 1/7 truh dang ei, jô̆ păh lăp rim năr pơ lei tơm Hồ Chí Minh đei 1.305 ‘nu jĭ, vă đĭ đăng lơ̆m hơ nih ăn oei hơ drô̆, pơ vang găn. Mă lei, anih jang pơ gang oei chă ƀôh lơ bơ ngai jĭ kiơ̆ đơ̆ng hơ len lăng tơ̆ tơ pôl păng kiơ̆ hơ len lăng tơ̆ hnam pơ gang. Dang ei, pơ lei tơm Hồ Chí Minh đei vă jê̆ 250 ‘nu tŏk bŏk dui jơ hngơ̆m hăm kơ măy păng 7 ‘nu kăl kơ hơ met hăm ECMO. Găh tơ drong ăn oei hơ drô̆, ‘ngoăih kơ 14 hơ nih ăn oei hơ drô̆ akŏm F1 hlôi đei, pơ lei tơm Hồ Chí Minh pơ jing dơ̆ng 88 hơ nih ăn oei hơ drô̆ akŏm hăm 10.000 tŏ giơng păng 55 hnam hô tel hăm dang 4000 ‘nu vă ăn oei hơ drô̆ F1. Anih vei lăng kon pơ lei pơ lei tơm hlôi tơ lĕch ăn hla ar găh tơ drong pơ dơh ‘mơ̆i bơ̆ jang rim anih jang mơ dro sa ư̆h kơ vei sơ đơ̆ng athei tang găn jĭ hơ buh đơ̆ng ‘năr 15/7. Dang ei đei 216 anih jang mơ dro sa chih măt ăn oei hơ drô̆ hai jang sa hai, lơ̆m noh 205 anih jang mơ dro sa tŏk bŏk tơ lĕch jang.

Thuem: Tơ blơ̆